Qazaqstan eltaŋbasy men prokuraturanyŋ belgısı bar taqtaişa Pavlodar oblysy auyldarynyŋ bırındegı qoqys üiındısınen tabyldy. Tabylǧan zattar ūialy telefon kamerasymen tüsırılgen. Qazır qūzyrly organdar memlekettık rämızdıŋ qoqys alaŋynan qalai şyqqanyn tekserıp jatyr, dep habarlaidy «Adyrna» ūlttyq portaly derekközge sıltep.
İnstagramǧa jariialanǧan videodan Aqtoǧai audandyq prokuraturasynyŋ taqtaişasy qoqystyŋ ışınde jatqanyn körsetedı.Al onyŋ janynda ekı eltaŋba jatyr. Onyŋ bıreuı bölıkterge bölıngen, al ekınşısı bütın küiınde.
«Men qoqys alaŋyndamyn. Mıne prokuratura, būl olardyŋ qoqysy. Bır qyzyǧy, gerb poligonda ıstep jatyr» deidı video avtory qadaǧalau organynyŋ memlekettık rämızderge degen közqarasyna aşulanyp.
Beinejazba jariialanǧannan keiın Pavlodar oblysynyŋ prokuraturasy būl zattardyŋ tabyluyna qyzyǧuşylyq tanytty. Būl fakt tekserılıp jatyr dep habarlandy.
«Oblystyq prokuratura qoqys alaŋynan memlekettık rämızderdıŋ tabyluyna qatysty resmi tekseru jürgızude. Sondai-aq, KUI materialy aiasynda polisiia tekseru jūmystaryn bastady. Män-jailar tekserılıp jatyr», - dep qadaǧalauşy organ atap öttı.
«Būl qoqys alaŋy, Aqtoǧai auylynan ekı şaqyrym jerde ornalasqan», - dedı Qarşyǧa audanynyŋ äkımı Arynov.Sonymen qatar, Pavlodar oblysynyŋ aqparat jäne äleumettık damu basqarmasy memlekettık rämızderge mūndai közqarastyŋ jol berılmeitındıgın habarlady.
«Erejege säikes memlekettık tu men eltaŋbany joiu, olardy küidıru, balqytu, bölşekterge 2,5 santimetrden aspaityn etıp kesu, pışınsız massaǧa nemese ūntaqqa ainaldyru arqyly jüzege asyrylady. Būl ädıs olardy qaita paidalanbas üşın qoldanylady. Bıraq eşqandai jaǧdaida rämızderdı qoqys poligonyna tastauǧa bolmaidy », dep tüsındırdı oblystyq Aqparat jäne qoǧamdyq damu departamentınıŋ bastyǧy Azamat Baitenov.
Eskertu, rämızderdı dūrys emes tūrǧyda joiu, memlekettık rämızderdı zaŋsyz paidalanu bolyp tabylady. Būl qūqyq būzuşylyq üşın Äkımşılık kodekstıŋ 458-baby boiynşa 50 AEK-ke deiın aiyppūl töleudı közdeidı (2021 jylǧa 145 145 teŋge).
Sonymen qatar, eger qūqyq būzuşylardyŋ ıs-äreketterı memlekettık rämızderge narazylyq retınde tanylsa, onda kınälılerge Qylmystyq kodekstıŋ 372-baby boiynşa 2000 AEK (2021 j. Jaǧdai boiynşa 5 834 000 teŋge) aiyppūl türınde qylmystyq jaza qoldanylady nemese 2 jylǧa deiıngı merzımge bas bostandyǧynan aiyru jazasy berıledı.
«Adyrna» ūlttyq portaly
