Foto Jİ kömegımen jasalǧan
Almatyda antibiotik ekpesınen keiın jaǧdaiy kürt naşarlap, jetı künnen soŋ qaitys bolǧan 14 jastaǧy jasöspırımnıŋ ölımıne qatysty qylmystyq ıs qozǧaldy, dep habarlaidy “Adyrna”.
Marqūmnyŋ ata-anasy medisinalyq kömektıŋ qanşalyqty dūrys körsetılgenın anyqtap, ıstıŋ ädıl tergeluın talap etıp otyr.
“Jetınşı arna” deregınşe, marqūm Maksim segızınşı synypta oqyǧan. Sportpen şūǧyldanyp, suret saluǧa qyzyqqan. Bolaşaqta därıger boludy armandaǧan. Anasynyŋ aituynşa, ūly meiırımdı ärı janaşyr bolǧan.
Ata-anasynyŋ sözınşe, tamyz aiynda jasöspırımnıŋ limfa tüiınderı ūlǧaiyp, olar bırneşe medisinalyq mekemege jügıngen. Alaida taǧaiyndalǧan em nätije bermegen.
21 qazanda ata-anasy Maksimdı Almatydaǧy №37 qalalyq emhanaǧa aparǧan. İnfeksionist därıger antibiotik taǧaiyndap, preparatty engızer aldynda allergiialyq synama jasau qajettıgın eskertken. Alaida ata-anasynyŋ aituynşa, ekpeden keiın balanyŋ jaǧdaiy kürt naşarlaǧan.
Mariia Kubarevanyŋ sözınşe, ūlynyŋ jüregı ainyp, denesı şanşyp, keiın esınen tanyp qalǧan. Emhana qyzmetkerlerı oǧan şūǧyl kömek körsetkenımen, jaǧdaiy jaqsarmaǧan.
Keiın jasöspırım balalarǧa şūǧyl medisinalyq kömek körsetu ortalyǧyna jetkızılıp, jasandy tynys alu apparatyna qosylǧan. Därıgerler jetı kün boiy onyŋ ömırın saqtap qaluǧa tyrysqanymen, bala köz jūmdy.
Qazır marqūmnyŋ anasy balanyŋ auyr allergiialyq reaksiiaǧa ūşyraǧan boluy mümkın ekenın aitady. Otbasy alǧaşqy medisinalyq kömektıŋ uaqytyly körsetılgen-körsetılmegenın de tekserudı talap etıp otyr.
Almaty qalasynyŋ densaulyq saqtau basqarmasy otbasyǧa köŋıl aityp, tekseru nätijesı boiynşa qosymşa aqparat berıletının habarlady.
Almaty qalalyq PD mälımetınşe, atalǧan derek boiynşa qylmystyq ıs qozǧalǧan. Qazır tiıstı saraptamalar taǧaiyndalyp, tergeu amaldary jürgızılıp jatyr.
