Finprom.kz taldau portalynyŋ zertteulerı körsetkendei, qazaqstandyqtardyŋ bır bölıgı taqyr kedeige, al endı bır bölıgı şylqyǧan bailarǧa ainaluda dep jazady «Adyrna» ūlttyq portaly derekközge sılteme jasap.
Soŋǧy jyldarmen salystyrsaq, Qazaqstan tūrǧyndarynyŋ osyǧan deiıngı eŋ tömengı künkörıspen künın körgender sany 20 paiyzǧa artqan.
Alysqa barmai-aq, byltyrǧy pandemiia kezınde-aq elımızdegı kedeişılık körsetkışı 12 paiyzǧa köterılıptı. Qazaqstandaǧy tabysy eŋ tömen otbasylardyŋ qataryna qazır 140 myŋ 600 adam qosylǧan. Sonymen qatar älemdegı eŋ bai adamdar sanynyŋ ösuı boiynşa on eldıŋ qataryna da Qazaqstan kırıptı. Demek, bailarymyz baiyǧan üstıne baiuda. Al būǧan deiın süiretılıp, ölmestıŋ künın keşkender sıŋırı şyqqan kedeige ainalǧan.Qazaqstanda eŋ tömengı künkörıs tabysy – 42 500 teŋge. Osy aqşamen tamaǧyn asyraǧan otbasylar sany ondaǧan paiyzǧa köbeiude. Al mūndai otbasynyŋ basym bölıgı Türkıstan oblysynda tūrady eken. Būl jaǧy tüsınıktı de. Türkıstan oblysy köpbalaly otbasy boiynşa eŋ aldyŋǧy orynda. Alaida künkörıske bailanysty ükımet tarapynan bölınetın azyn-aulaq aqşamen asqaandy da aldau mümkın emesı beseneden belgılı. Al endı baişykeşterımızge keler bolsaq, Qazaqstan bai adamdardyŋ köbeiuı boiynşa AQŞ-ty basyp ozyp, älemnıŋ top-10 elınıŋ qataryna endı. Statista.com. agenttıgınıŋ derekterıne sensek, eŋ bai degen adam sany Qazaqstanda köbeie tüsken. 2025 jylǧa qarai būl toptyŋ ökılderı 33 paiyzǧa deiın artady degen boljam da bar. Osy rette «bailar qaitıp baiyp, kedeiler ne sebeptı kedeilene tüsude?» degen sūraqtyŋ qūlaǧy qyltiiady.
Būl sūraǧymyzǧa Türkıstan oblysynyŋ tūrǧyny Äuelhan Şonjan: «Būl eldıŋ bar bailyǧyn tonap, qoiny-qonşyn toltyrǧandar saǧat sanap baiiyp jatqany belgılı. Al kedeidıŋ ärmen qarai kedeilene tüsuı zaŋdylyq qoi. Sol kedeidıŋ nesıbesın älgı baişykeşterıŋız qylǧytyp jatqan joq pa?!»,- dep jauap berdı. Al osyǧan deiın bala sanyna qarai memleketten järdemaqy alyp, künın körıp otyrǧan Jambyl oblysynyŋ tūrǧyny Amalbek Smanov: «Kedeilerdıŋ köbeiuıne qos ökpeden qysqan qymbatşylyq kınälı. Byltyr 100 myŋǧa ılınıp-salynyp äreŋ kün keşsek, biyl ol aqşaŋyzdyŋ 10 myŋ teŋgelık te qūny qalmai barady. Tamaq ta, kiım de, kömmunaldyq şyǧyndar da ai saiyn qymbattauda. Al bızdegı tömengı künkörıs üşın belgılengen 42 500 teŋge özgerıssız qaldy. Nege? Bailardyŋ baiuyna qatysty söz şyǧyndap ta keregı joq şyǧar»,- dep küiınedı.Sız qalai oilaisyz, halqymyzdyŋ kedeişılıkte kün keşken bölıgı nege bailardyŋ qataryna kıre almauda?
Mūqaş MŪRATŪLY,
«Adyrna» ūlttyq portaly.
Foto aşyq derekközden alyndy.Ūqsas jaŋalyqtar
