Úkimet músheleri eki óńir ákimi orynbasaryna azyq-túlik baǵasy úshin qatań sógis jarııalaýdy usyndy, - dep habarlaıdy "Adyrna" ulttyq portaly Tengrinews.kz saıtyna silteme jasap.
Saýda jáne ıntegraııa mınıstri Baqyt Sultanov jyl basynan beri áleýmettik mańyzy bar azyq-túlik 3,2 paıyzǵa qymbattaǵanyn aıtty. Bul rette byltyr baǵa 4,8 paıyzǵa ósken, onyń 4,1 paıyzy karantın saldarynan bolǵan. Mınıstrdiń aıtýynsha, sharalar qabyldaý nátıjesinde baǵa turaqtandyrylǵan.
"Sońǵy úsh aptada baǵa 0,2 paıyzǵa artty, byltyr baǵa 3,5 paıyzǵa ósken. (...) Sonymen qatar, keıbir óńirlerde joǵary ósim baıqalady. 6 sáýirdegi jaǵdaı boıynsha eń joǵarǵy baǵa Jambyl oblysynda - 4,2 paıyz, Atyraý oblysynda - 3,8 paıyz, eń az ósim 2,9 paıyz - ShQO men Aqmola oblysynda tirkelgen.
Memleket basshysynyń tapsyrmasy boıynsha atqarýshy organdardyń mańyzdy kórsetkishi baǵanyń ósýine jol bermeý. Osyǵan baılanysty Asqar Uzaqbaıulyna hattamada: baǵanyń barynsha ósýine jol bergen ákimderdiń jetekshilik etetin orynbasaryna tártiptik sharalar qoldanýdy bekitýdi usynamyn", - dedi Sultanov Úkimet otyrysynda.
Sondaı-aq, ol básekelestikti qorǵaý jáne damytý agenttigine basym bıznes sýbektileriniń baǵalyq sóz baılasýyna jol bermeýdi turaqty baqylaýda ustaýdy, ortalyq jáne jergilikti memlekettik organdarǵa baqylaýdy kúsheıtýdi jáne áleýmettik mańyzy bar taýarlarǵa, ásirese eksportqa táýeldi jáne eksportqa baǵdarlanǵan ónimderge baǵanyń ósýine jol bermeý boıynsha tıisti shara qoldanýdy usyndy.
Premer-mınıstrdiń birinshi orynbasary Álıhan Smaıylov qaı óńirler ákiminiń orynbasaryna qatań sógis jarııalaý kerektigin naqtylady.
"Atyraý, Jambyl oblystarynda áleýmettik mańyzy bar taýarlar qymbattaǵanyn kórdik. Sondyqtan osy óńirler ákiminiń orynbasaryna qatań sógis jarııalaý kerek. Bul oblys ákimderine tapsyrma.
Sondaı-aq, jergilikti bıýdjet kirisi mólsheriniń kóbeıgenin baıqaımyz. Osyǵan baılanysty jergilikti atqarýshy organdar problemalardy anyqtap, olardy jergilikti bıýdjet esebinen jabýy tıis. Jaǵdaıdyń turaqtanýy jumysqa eshqandaı áser etpeýi kerek", - dedi Smaıylov.
Premer-mınıstr Asqar Mamın Atyraý jáne Jambyl oblystary ákiminiń orynbasaryna áleýmettik mańyzy bar taýarlar baǵasynyń negizsiz ósýine jol bergeni úshin qatań sógis jarııalaý usynysyn qoldady.
