BQO-da Janǵaly mektep-gımnazııasynyń dırektory mektep oqýshysyna ógeı ákesi jynystyq sıpattaǵy áreket jasaǵanyn bile tura jasyrdy degen kúdikke ilindi. Ol qyzmetinen bosatylyp, úı qamaýyna alyndy, - dep habarlaıdy Tengrinews.kz.
Quqyq qorǵaý organdary oqý ornynyń basshysy qyzdyń otbasynda bolǵan jaǵdaıdy bile tura habarlamady dep kúdiktenedi.
Oqıǵa 2019 jyly bolǵan. Sol kezde 10 jasta bolǵan mektep–gımnazııasynyń oqýshysyna ógeı ákesi jynystyq sıpattaǵy áreket jasaǵan. Ol úshin qamaýǵa alyndy. 2020 jyly er adam 20 jylǵa bas bostandyǵynan aıyryldy.
Jaqynda "MG" redakııasyna mektep-gımnazııa dırektorynyń týystary habarlasyp, ony qamaýǵa alynǵanyn jáne jaýapqa tartylýy múmkin ekenin aıtqan. Tergeýshiler mektep basshysy men muǵalimderinen oqýshyǵa zorlyq-zombylyq jasalǵanyn bildi jáne ol týraly quzyrly organdarǵa habarlamady dep kúdiktenedi.
Kúdiktiniń advokaty Aıslý Bııalıevanyń aıtýynsha, aıyptaý tek jábirlenýshi qyzdyń sózine negizdelgen jáne kez kelgen muǵalim bul jaǵdaıǵa tap bolýy múmkin.
"Mektep dırektoryn demalys kezinde mektepten tys ýaqytta jasalǵan qylmys úshin jaýapqa tartqaly jatyr. Tergeý barysynda qyz 2019 jyldyń sáýirinde Jańǵaly mektep-gımnazııasynyń muǵalimderine anasynyń azamattyq nekedegi kúıeýi qysym kórsetkenin habarlaǵanyn aıtty. Polıııa dırektor men mektep-gımnazııanyń taǵy tórt muǵaliminen jaýap aldy. Olar qyzdyń sózderin tolyǵymen joqqa shyǵardy. Olar aıǵaqtaryn sotta da rastady", - dedi Aıslý Bııalıeva.
