(Jalǵasy)
Urpaqtan-urpaqqa jalǵasyp kele jatqan tektiliktiń tamyryna úńilsek, shejire derekteri boıynsha Ánet baba Abaı atamyzdyń altynshy atasy Áıtekpen bir týysady. Ánet babadan Shaqa, Shaqadan – Táýke, Táýkeden – Shegir, odan Qojabaı, Moldabaı, Táki týady. Qojabaıdan – Súndetbaı, Úmbetbaı, Ánııar týǵan. Ánııardyń Saparǵalı esimdi uly bolǵan. 1910 jyldary ol balasyn Kákitaıdyń qyzyna úılendirgen. Saparǵalıdan Muhametǵalı atty nemere súıgen. Ánııardyń aǵasy Súndetbaıdan Qalaýbek pen Islambek týǵan. Islambekten Samat, Saǵyntaı, Maqsut jáne Nurjamal esimdi balalar taraıdy. Nurjamaldy Kishkene kúninen Ánııar óz baýyryna basyp, ataqty Abaı atamyzdyń atasy Óskenbaıdyń Jaqybynan týǵan Aqberdi qajynyń Usataıynyń uly Jumataıǵa uzatady. Aqberdi men Súndetbaı balalary elge syıly bolǵan. Aqberdiniń balalary Qısataı men Ómirtaı sýdıa bolyp Semeı ýeziniń Shyńǵys bolysynda qyzmet jasaǵan, al Islambek alqa bı bolyp saılanǵan. Islambek Keńes úkimetiniń qýǵynyna túsip, bala-shaǵasy da elden ketýge májbúr bolady. Islambektiń bir balasy Maqsutty Ánııar óz atyna jazdyryp, mektepke berip aman saqtap qalǵan. Islambektiń taǵy bir balasy Samat Súndetbaev óziniń talabymen oqý oqyp, eńbekpen kóterilip, keıin Keńes Odaǵynyń dıplomatııalyq korpýsynyń ókili, Iemen Arab Respýblıkasyndaǵy elshiliktiń ekinshi hatshysy bolǵan tanymal dıplomat boldy. Ánııardyń tárbıesinde ósken Maqsut keıin Qaraýylǵa oralyp, dúken-sheberhana ustaǵan, aýylda tehnıka tilin jetik biletin birden-bir adam bolǵan. Maqsut balalarynyń tegi Ánııarovtar babalarynyń atyn saqtap, ıgi isterin urpaqtan-urpaqqa jalǵap keledi.
Sýrette: otyrǵandar, sol jaqtan ońǵa qaraı Ánııar ata, turǵandar sol jaqtan ońǵa qaraı Kúlásh Saparǵalıqyzy, Muhametqalı Saparǵalıuly, aty-jóni belgisiz, Saparǵalı Ánııaruly.
Islambek Súndetbaıuly
Ánııarov Maqsut Islambekuly
Súndetbaev Samat Islambekuly
Moldabaeva Nurjamal Ánııarqyzy
Samat pen Maqsut Islambekuldary
Qaraýyl aýyly, 1963 jyl
Nurjamal Anııarqyzy jubaıy Aqberdın Jumataımen
Samat Islambekulynyń anasy Qaınysh apa, Islambek nemeresi Serik Maqsutuly, Ánııarov Maqsut Islambekuly
Ánııarov Nurhan Maqsutuly
Ánııarov Darhan Maqsutuly
Ardaq Berkimbaı
