Azyq-tülık baǧasy qymbattasa kımder jazalanady?

Türkıstan oblysynda ötken jiynda «Äleumettık maŋyzy bar azyq-tülık tauarlarynyŋ baǧasyn tūraqtandyru jäne negızsız ösırmeu» mäselesı qaraldy, dep habarlaidy oblystyq äkımdıktıŋ baspasöz qyzmetı. Almaty, NEGE. Onda oblys äkımdıgı men ırı tauar öndıruşılermen: «Iаssy qūs», «Asan-ata», «Bereke» JŞS-men memorandumǧa qol qoidy. Oǧan säikes tauar öndıruşıler oblystyŋ ışkı naryǧyndaǧy bırqatar äleumettık maŋyzy bar azyq-tülık tauarlarynyŋ baǧasyn negızsız qymbattatpau jönındegı uaǧdalastyqqa qol jetkızıldı. Oblys äkımınıŋ orynbasary Meiırjan Myrzalievtıŋ töraǧalyǧymen ötken mäjılıske auyl şaruaşylyǧy tauaryn öndıruşıler, sauda üilerınıŋ ielerı, naubaihana, bazarlardyŋ basşylary qatysty. Jiynda jyl basynan berı äleumettık maŋyzy bar azyq-tülık tauarlaryna qoiylǧan şektı baǧalar bırqatar audan, qalalarda öskenı aityldy. Auyl şaruaşylyǧy basqarmasynyŋ basşylyǧy jūmyrtqa öndıruşı käsıporynnyŋ bırı – Kentau qalasyna qarasty «Iаssy qūs» JŞS-ı jyl basynda S1 sanatty tauyq jūmyrtqasyn 1 danasyn 44 teŋgeden bosatsa, bügıngı taŋda baǧasy 38 teŋgege tömendegenın mälımdedı. Būdan bölek, juyq arada qajettı 350 tonnadan astam künbaǧys maiy tūraqtandyru qoryna satyp alu jūmystary jürgızılıp jatqany aityldy. Sonymen qatar, audan, qala äkımdıkterı men «Türkıstan» äleumettık-käsıpkerlık korporasiiasy aksionerlık qoǧamynyŋ ūiymdastyrumen mereke jäne demalys künderı halyqqa tiımdı baǧada järmeŋke ötkızılude. Būdan bölek, Türkıstan qalasynyŋ aumaǧynda ornalasqan 13 äleumettık düken men 5 ırı supermarkette ūn, qant, kartop, säbız, piiaz, kürış, makaron, tūz arzandatylǧan baǧamen satyluda. 2021 jylǧa egıletın auyl şaruaşylyǧy daqyldarynyŋ boljamdyq egıs qūrylymyna säikes, keş pısetın kartop – 7,1 myŋ ga, qyryqqabat – 2,9 myŋ ga, piiaz – 2,0 myŋ ga jäne säbız – 1,5 myŋ ga egu josparlanyp otyr. Öndırılgen önım kölemı öŋırlık tūraqtandyru qoryn tolyqtyru üşın satyp alynady. Al, oblystyq bäsekelestıktı qorǧau jäne damytu departamentınıŋ mälımdeuınşe, äleumettık maŋyzy bar azyq-tülık tauarlar baǧasyn negızsız ösırgen bırqatar tauar öndıruşılerge nūsqamalar taratyldy. Nūsqama oryndalmaǧan jaǧdaida, qoldanystaǧy zaŋ şeŋberınde tergep-tekseru jūmystary bastalatynyn baiandady. Oblys äkımınıŋ orynbasary baǧany tūraqtandyru maqsatynda «Ainalmaly shema» aiasynda nesielendıru jūmystarynyŋ tym baiau jürgızılıp jatqanyn aitty. Sonymen qatar, tauarlyq intervensiia jürgızu, Tūraqtandyru qorynda azyq- tülık tauarlarynyŋ qoryn qalyptastyru boiynşa atqarylyp jatqan jūmystar jetkılıksız ekenın eskerttı. Osyǧan orai, «Ainalmaly shema» aiasynda sauda üilerı men tauar öndıruşılerge nesie beru mäselesın odan ärı pysyqtaudy, apta saiyn tūraqty türde auyl şaruaşylyǧy önımderınıŋ järmeŋkesın ūiymdastyrudy, azyq tülık tauarlarynyŋ baǧasyn negızsız kötergen öndıruşı käsıporyndar men jetkızıp beruşı käsıpkerler boiynşa naqty jūmystar atqaru turaly tiıstı tapsyrmalar berdı.