Qazaqstandyq boksshy Janqosh Turarov koronovırýs juqtyrdy. Bul týraly ol, óziniń Instagram paraqshasynda málim etti, dep habarlaıdy "Adyrna" ulttyq portaly.
"Búgingi týrnırde ókinishke oraı óner kórsete almaıtyn boldym. Barlyǵy dúnıe júzin jaýlap turǵan koronovırýsqa baılanysty. Dýbaıǵa kelgen kúnnen bastap entigý, temperatýra, murynnyń bitýi, dám sezbeý sımptomdary paıda boldy. týrnırge shyǵar aldynda Mindettelgen PR test oń nátıje kórsetip, meni qonaq úı nomerinde oqshaýlady, salmaq ólsheý rásimine shyǵarylmaýymnyń sebebi osy boldy! Biraq eshteńege qaramastan nomer ishinde de skakalka sekirý, júgirý arqyly jattyǵýdy toqtatpaı óz formamdy ustap , bekitilgen salmaqqa jetip, oqshaýlanǵan kúıde nomer ishinde salmaq ólsheý rásimin ótkizdik. COVID-19 qaıtadan PR ótkizýdi ótindik, ókinishke oraı búgingi nátıje taǵy da "oń" kórsetti. Aınalama, qorshaǵan ortama degen jaýapkershilikti sezine otyryp, koronavırýstyń tez juqpaly ekenin eskere otyryp týrnırden shektetildim. Eger dál osy dıagnoz bolmaǵanda qazirgi jaǵdaıymmen-aq maǵan 3 raýnd ta jetkilikti edi... Biraq amal qansha, barlyǵy bir Allahtyń qalaýy. Búkil álemdi dúrliktirip turǵan myna dertten aman bolyńyzdar! Aýyrmańyzdar!" dep jazdy Janqosh óz Instagram paraqshasynda.
Onyń qarsylasy Taıron Makkenna bolýy kerek edi, al WBO Inter-Continental jartylaı orta salmaqtaǵy belbeýi qaýip tóndirdi.
«Ókinishke oraı, Janqosh Turarov Ulybrıtanııadan Taıron Makkennaǵa qarsy jekpe-jekten bas tartýǵa májbúr boldy. Jekpe-jek keıinge qaldyryldy jáne qysqa merzimde uıymdastyrylatyn bolady», - delingen D4G Promotions atynan uıymdastyrýshylar.
"Adyrna" ulttyq portaly
