Zaŋgerler, kriminalister jäne sot sarapşylary Aiajan Edılovany öltırgen jıgıttıŋ qylmystyŋ ızderın jasyru üşın qatygez äreketke bardy degenge kümändanady. Qūrbanynyŋ terısın kesıp alǧan küdıktı bärın şūǧyl türde, eş abyrjymai jasaǧan, deidı olar. Osyǧan orai, sarapşylar aiyptaluşy būl ärekettı bırınşı ret jasaǧanyna senbeidı, dep habarlaidy «İnformbiuro» jaŋalyqtar baǧdarlamasy.
19 jastaǧy Aiajan oquǧa, Aya Lan jeke kiım brendın damytuǧa jäne sūlulyq salonynda jūmys ısteuge ülgergen. Qyzdy tanityndar onyŋ aqşaǧa mūqtaj bolmaǧanyn aitady.
Aiajan tūrǧan studentter jataqhanasyna tüngı 23:00-ge deiın kelu mındettı eken. Bıraq 19 nauryzda boijetken alǧaş ret studentter jataqhanasyna uaqytyly oralmapty.
«Sol künge deiın Aiajan üide tünemegenın nemese tündeletıp jüretının eşqaşan baiqamadym. Sondyqtan bız de, dostary da dabyl qaǧyp, joǧalǧan künı ızdei bastadyq. Ol bılımdı, jauapty boldy», - dedı jataqhana meŋgeruşısı Maral Äubäkırova.Aita keteiık, polisiia mälımetınşe Aiajan Edılova 19 nauryzda tüngı saǧat 11-de qaza tapty. Erıktıler ızdestıru jūmystaryn jürgızıp, 21 nauryzda qyzdy Nūrkent yqşam audanyna alyp barǧan taksi jürgızuşısın anyqtaǧan. Erıktılerden tüsken aqparat boiynşa poliseiler qylmys ornyna barǧan. Keiınırek qyzdyŋ denesınıŋ bölıkterı megapolistıŋ ärtürlı aimaqtarynan tabylypty. Onyŋ tuystary kısı öltıruşınıŋ qatygezdıgı turaly aituda. Küdıktı marqūmnyŋ basyn qainatyp, tyrnaǧy men tısterın jūlyp alǧan. Küdıktı Rahmanberdı Törebekov 2010 jyly medisinalyq akademiiaǧa tüskenı belgılı. Bır jyldan keiın naşar ülgerımı üşın oqudan şyǧaryldy. 2012 jyly Oŋtüstık Qazaqstan oblysynyŋ medakademiiasyna grantqa tüsken. Bıraq ekınşı kurstan keiın sol jerden de şyǧaryldy. Asa auyr qylmystyq ıster boiynşa advokat bolyp jūmys ısteitın täjıribelı zaŋger Qadyrjan Ǧalymjanūly küdıktınıŋ qylmysty jalǧyz jasaǧanyna kümän keltırmeidı. Desek te qolda bar dälelderdı tergeu toby mūqiiat tekseruı kerek.
«Medisina universitetınıŋ studentterı oqu kezınde mamandyq boiynşa mäiıthanaǧa barady. Būl mındettı. Sondyqtan ol bärın jalǧyz jasai alady. Būl bırınşı ret jasalǧan qylmys bolmauy mümkın. Ol eş saspaǧan, abyrjymaǧan. 19 nauryzdan 20 nauryzǧa qaraǧan tünı qyzdy öltırıp, sol tünı denesın dalaǧa laqtyrdy», - deidı zaŋger Qadyrjan Ǧalymjanūly.Aiajan Edılovanyŋ ölımıne küdıktı Rahmanberdı Törebekov Türkıstan oblysynyŋ Jauşyqūm auylynda tūrǧan. Onyŋ tuystary sūhbattan bas tartty. Mektep mūǧalımderı üzdık tülektıŋ osyndai qatygez kısı öltırgenıne senbeidı.
«Bız eseŋgırep qaldyq! Ol öte aqyldy, daryndy edı», - dedı Şardara audany mektebınıŋ direktory Roza Jünısqūlova.Tergeu būl ıs boiynşa aqparatty jariia etpeidı, bıraq rezonansty eskere otyryp, sūraqtarǧa erte me, keş pe jauap beruge tura keledı. Aiajannyŋ ölımı qoǧamdy dür sılkındırdı, köpşılık qyzdarynyŋ qauıpsızdıgı üşın alaŋdaidy.
