Zańgerler, krımınalıster jáne sot sarapshylary Aıajan Edilovany óltirgen jigittiń qylmystyń izderin jasyrý úshin qatygez áreketke bardy degenge kúmándanady. Qurbanynyń terisin kesip alǵan kúdikti bárin shuǵyl túrde, esh abyrjymaı jasaǵan, deıdi olar. Osyǵan oraı, sarapshylar aıyptalýshy bul áreketti birinshi ret jasaǵanyna senbeıdi, dep habarlaıdy «Informbıýro» jańalyqtar baǵdarlamasy.
19 jastaǵy Aıajan oqýǵa, Aya Lan jeke kıim brendin damytýǵa jáne sulýlyq salonynda jumys isteýge úlgergen. Qyzdy tanıtyndar onyń aqshaǵa muqtaj bolmaǵanyn aıtady.
Aıajan turǵan stýdentter jataqhanasyna túngi 23:00-ge deıin kelý mindetti eken. Biraq 19 naýryzda boıjetken alǵash ret stýdentter jataqhanasyna ýaqytyly oralmapty.
«Sol kúnge deıin Aıajan úıde túnemegenin nemese túndeletip júretinin eshqashan baıqamadym. Sondyqtan biz de, dostary da dabyl qaǵyp, joǵalǵan kúni izdeı bastadyq. Ol bilimdi, jaýapty boldy», - dedi jataqhana meńgerýshisi Maral Áýbákirova.
Aıta keteıik, polıııa málimetinshe Aıajan Edilova 19 naýryzda túngi saǵat 11-de qaza tapty. Eriktiler izdestirý jumystaryn júrgizip, 21 naýryzda qyzdy Nurkent yqsham aýdanyna alyp barǵan taksı júrgizýshisin anyqtaǵan. Eriktilerden túsken aqparat boıynsha polıeıler qylmys ornyna barǵan. Keıinirek qyzdyń denesiniń bólikteri megapolıstiń ártúrli aımaqtarynan tabylypty. Onyń týystary kisi óltirýshiniń qatygezdigi týraly aıtýda. Kúdikti marqumnyń basyn qaınatyp, tyrnaǵy men tisterin julyp alǵan.
Kúdikti Rahmanberdi Tórebekov 2010 jyly medıınalyq akademııaǵa túskeni belgili. Bir jyldan keıin nashar úlgerimi úshin oqýdan shyǵaryldy. 2012 jyly Ońtústik Qazaqstan oblysynyń medakademııasyna grantqa túsken. Biraq ekinshi kýrstan keıin sol jerden de shyǵaryldy.
Asa aýyr qylmystyq ister boıynsha advokat bolyp jumys isteıtin tájirıbeli zańger Qadyrjan Ǵalymjanuly kúdiktiniń qylmysty jalǵyz jasaǵanyna kúmán keltirmeıdi. Desek te qolda bar dálelderdi tergeý toby muqııat tekserýi kerek.
«Medıına ýnıversıtetiniń stýdentteri oqý kezinde mamandyq boıynsha máıithanaǵa barady. Bul mindetti. Sondyqtan ol bárin jalǵyz jasaı alady. Bul birinshi ret jasalǵan qylmys bolmaýy múmkin. Ol esh saspaǵan, abyrjymaǵan. 19 naýryzdan 20 naýryzǵa qaraǵan túni qyzdy óltirip, sol túni denesin dalaǵa laqtyrdy», - deıdi zańger Qadyrjan Ǵalymjanuly.
Aıajan Edilovanyń ólimine kúdikti Rahmanberdi Tórebekov Túrkistan oblysynyń Jaýshyqum aýylynda turǵan. Onyń týystary suhbattan bas tartty. Mektep muǵalimderi úzdik túlektiń osyndaı qatygez kisi óltirgenine senbeıdi.
«Biz eseńgirep qaldyq! Ol óte aqyldy, daryndy edi», - dedi Shardara aýdany mektebiniń dırektory Roza Júnisqulova.
Tergeý bul is boıynsha aqparatty jarııa etpeıdi, biraq rezonansty eskere otyryp, suraqtarǵa erte me, kesh pe jaýap berýge týra keledi. Aıajannyń ólimi qoǵamdy dúr silkindirdi, kópshilik qyzdarynyń qaýipsizdigi úshin alańdaıdy.
