Túrkistan oblysynda qalta urlyǵymen aınalysyp júrgen anasy men qyzy ustaldy, dep habarlaıdy «Adyrna» tilshisi Polisia.kz-ke silteme jasap.
Maqtaaral aýdanynyń PB kezekshi bólimine birneshe jergilikti turǵyn aryzdanǵan. Jábirlenýshi azamatshalardyń aıtýynsha, kúndiz Maqtaaral aýdany Atakent kentiniń kósheleriniń birinde ornalasqan bazar aýmaǵynda qalta urylaryna tap bolǵan. Olardyń biriniń ishinde 200 myń teńgesi men bank kartochkalary salynǵan ámııanyn, endi biriniń ishinde 10 000 teńge aqshasy bar ámııanyn belgisiz bireýler qoldy etken.
Tártip saqshylary bul jaıtty QR QK-niń 188-baby (Urlyq) boıynsha tirkedi. Aýdan polıeıleri qylmystyń izin sýytpaı ashý maqsatynda jedel-izdestirý is-sharalaryn júrgizdi. Aınalany baqylap, beınekameralardy jiti tekserdi. Nátıjesinde kúdik týdyrǵan eki áıeldi baıqaǵan.
Kúdikti áıelder anasy men qyzy bolyp shyqty. Tekserý barysynda olardyń Shymkent qalasynyń turǵyndary ekeni anyqtaldy. Qazirgi tańda óz kinálaryn tolyq moıyndaǵan qalta urylaryna qatysty tergep-tekserý amaldary júrgizilýde.
Tergeý barysynda kúdiktilerdiń aldyn ala sóz baılasyp, ońaı jolmen aqsha tabýdy kózdegeni anyqtaldy. Osylaısha ekeýi adam kóp shoǵyrlanatyn aımaqtardy bir sholyp shyǵyp, bazar mańynda adamdardyń yǵy-jyǵy bolyp jatqanyn kórip, jábirlenýshilerdiń sómkelerinen bildirtpesten ámııandaryn alyp ketken. Olar qylmystyq jolmen tabylǵan qarajatty óz qajettilikterine jumsap úlgergen.
«Adyrna» ulttyq portaly
