Bıyl mektep túlekteri ulttyq biryńǵaı testti jańasha tapsyrmaq. Bul týraly búgin QR Bilim jáne ǵylym vıe-mınıstri Mıras Dáýlenov aıtty.
«Naýryzdyń 10-y men sáýirdiń 10-y aralyǵynda UBT aqyly negizde ótedi. Oǵan úmitkerler bir ret qana qatysa alady. Al 15 sáýir men 30 maýsym aralyǵynda UBT tegin bolady. Bul rette úmitkerler UBT-ny eki ret tapsyrý múmkindigine ıe. Olar bilim granttaryn bólýge qatysady. Sáýir-maýsym aralyǵyndaǵy UBT-ǵa bıyl mektep bitiretin 120 myń túlektiń qatysatyndyǵy josparlanǵan», - dedi ol mınıstrliktiń apparat jınalysynda.
Aıtýynsha, elimizdiń óńirlerinde UBT ótkizý pýnkteriniń sany jetkilikti.
«Ótken jyly biz olarǵa UBT-ny pandemııaǵa baılanysty qashyqtan ótkizgen edik. Sondyqtan olarda UBT-ny elektrondy formatta tapsyrý tájirıbesi bar jáne bul olar úshin jańalyq emes», - dedi Mıras Dáýlenov.
