Almatyda koronavırýs juqtyrǵan balalar sany kúrt kóbeıdi. Bul týraly onlaın brıfıng barysynda Almaty qalasy sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova aıtty, dep habarlaıdy “Adyrna” ulttyq portaly.
Qalyqovanyń málimdeýinshe, Almatyda epıdemıologııalyq jaǵdaı ýshyǵyp tur. Infekııa – óte juqpaly.
«Sońǵy aptada balalar arasynda indetti juqtyrý kúrt ósti. Mysaly, 14 jasqa deıingi naýqas balalardyń sany 7%-dan 11%-ǵa deıin ulǵaıdy. Sondaı-aq, bir jasqa deıingi balalar arasynda vırýs juqtyrý óskenin baıqap otyrmyz. 1 naýryzda 10 jaǵdaı tirkelse, qazir 55 jaǵdaıǵa deıin jetip otyr. Ózge jastaǵy adamdar arasynda vırýs juqtyrý burynǵydaı qalypta»,- deıdi Ásel Qalyqova.
Otbasy músheleri arasynda vırýs juqtyrý oqıǵasy da artqanyn jetkizdi.
«Vırýsty otbasy múshelerinen juqtyrý oqıǵasy 34 paıyzǵa artqan. Al saýda oryndarynda vırýs juqtyrý jaǵdaıy kerisinshe 22 paıyzǵa deıin azaıǵan. Oǵan demalys kúnderi saýda-sattyq oryndary men bazarlar jumysynyń toqtatylýy yqpal etti. Degenmen aýla ishindegi dúkenderde vırýs juqtyrý áli de joǵary deńgeıde», - deıdi ol.
