SQO aýdandarynyń biriniń bilim qyzmetkerleri az qamtylǵan otbasylardan shyqqan balalarǵa arnalǵan noýtbýkterdi jymqyrdy degen kúdikke ilindi, dep habarlaıdy «Adyrna» tilshisi oblystyq Sybaılas jemqorlyqqa qarsy qyzmetke silteme jasap.
Soltústik Qazaqstan oblysy boıynsha Sybaılas jemqorlyqqa qarsy qyzmeti oblys aýdandary ákimdikteriniń birindegi bilim bóliminiń qyzmetkerlerine qatysty sotqa deıingi tergeýdi bastady.
Olar pandemııa kezinde az qamtylǵan otbasylardan shyqqan aýdan mektepteriniń oqýshylary úshin Bilim basqarmasymen QR Úkimetiniń shuǵyl shyǵyndarǵa arnalǵan rezervi esebinen satyp alynǵan noýtbýkterdiń bir bóligin urlady degen kúdikke ilindi.
«Jasalǵan qylmystan memleketke keltirilgen zalal quny 12 mln. teńgeden asqan.Qalǵan mán-jaılar tergeý múddesinde jarııa etýge jatpaıdy. Is boıynsha túpkilikti sheshim tergeý áreketterin júrgizý nátıjeleri boıynsha qabyldanatyn bolady»,-dep málimdedi vedomstvo.
«Adyrna» ulttyq portaly
