Almaty qalasy mäslihatynyŋ deputaty Ermahan İbraimov jaŋa qyzmetke ornalasty. 2000 jylǧy Sidnei Olimpiada oiyndarynyŋ chempiony Halyqaralyq boks qauymdastyǧynyŋ (AIBA) basqaru organdaryna qosyldy. Būl turaly Qazaqstan boks federasiiasynyŋ baspasöz qyzmetı mälımdedı, dep habarlaidy "Adyrna" tılşısı.
Halyqaralyq boks qauymdastyǧy (AIBA) ekı qazaqstandyqty özınıŋ basqaru organdarynyŋ müşelerı etıp taǧaiyndady. Direktorlar keŋesınıŋ dauys beru qorytyndysy boiynşa, Qazaqstandyq boks federasiiasynyŋ menedjerı Meiram Nūrtazin jarystardy ötkızu jönındegı komissiianyŋ müşesı boldy. Al Sidnei Olimpiada chempiony, Olimpiadaǧa daiyndyq ortalyǧynyŋ direktory Ermahan İbraimov chempiondar men ardagerler jönındegı komissiianyŋ müşesı boldy.
AIBA prezidentı Umar Kremlev jaŋadan taǧaiyndalǧan qazaqstandyqtarǧa hattar jıberdı. Özınıŋ habarlamalarynda ol, olardyŋ bılımı men täjıribesı ūiymnyŋ damuyna qūndy üles bolatynyna senım bıldırdı jäne bır-bırımen tanysuǧa, bırlesıp jūmys ısteuge kırısu mümkındıgın kütkenın atap öttı.
Aziia boks konfederasiiasy da taǧaiyndaularǧa bailanysty Nūrtazin men İbraimovqa qūttyqtau joldady. Būl 2018-2019 jylǧy üzılısten keiın AIBA-nyŋ basqaru organdaryna taǧaiyndalǧan alǧaşqy qazaqstandyqtar. 2014-2017 jyldar aralyǧynda komissiialarda alty jerlesımız jūmys ıstedı. 2019 jyly ūiymdaǧy reformalarǧa bailanysty barlyq komissiialar taratylyp, qazır jaŋadan qūrylyp jatyr.
Alaida, Ermahan İbraimov jaŋa qyzmetke auysyp jatsa da, "Adyrna" tılşısıne özınıŋ deputattyqtan ketpegenın aitty.
"Adyrna" ūlttyq portaly
Ūqsas jaŋalyqtar
