Fılıppın áskerıleri Ońtústik Qytaı teńiziniń daýly aımaǵyna kirip, shyqpaı otyrǵan júzdegen Qytaı kemelerin baqylaýǵa jeńil joıǵysh ushaqtardy jiberdi. Fılıppın dereý arada Qytaı óz kemelerin áketýi tıis dep otyr.
Aımaqtaǵy qaqtyǵystyq kóńil-kúı 200 Qytaı kemesiniń daýly terrıtorııaǵa kirýimen eselep artty. Manıla bul áreketti "arandatý jáne ulttyq múddege qaýip tóndirý" dep atady. Qazirgi tańda Qytaı kemeleri Fılıppınniń ekonomıkalyq aımaǵy sanalatyn Úshtik rıfiniń mańynda tur.
Fılıppın qorǵanys mınıstri Delfın Lorenana 27 naýryz kúni eldiń áskerı ushaqtaryn kóterip, baqylaýdy kúsheıtetinin málimdegen bolatyn.
«Bizdiń teńiz jáne áýe kúshterimiz ulttyq qaýipsizdigimiz ben táýelsizdigimizdi qorǵaýǵa daıyn», — dep málimdedi ol.
Resmı Qytaı tarapy kemelerdiń teńizdegi daýyldan qashyp, ýaqytsha turaqtaǵanyn málimdedi. Qazirgi tańda Ońtústik Shyǵys Azııadaǵy daýly aımaqta jyl saıyn 3.4 trln dollar bolatyn saýda aınalymy ótedi.
Ashat QASENǴALI,
"Adyrna" ulttyq portaly
