Ótkizgen gıv, utystary úshin ánshiler tanymal advokattyń ózin sottatyp jibergen be?

950

Almaty qalasy Advokattar alqasynyń múshesi Tileýjan Kishkenebaevtyń ústinen qylmystyq is qozǵalyp, 9 naýryzda Almaly aýdandyq soty ony kináli dep tapqan. Sot oǵan 499 myń teńge aıyppul salyp, 3 jylǵa advokattyq qyzmetten shettetti, dep habarlaıdy Nege.kz saıty.

Redakııamyzǵa habarlasqan advokattyń aıtýynsha, oǵan «Roza Álqoja, Aqbota Kerimbekova jáne Jazıra men Janbolattardyń qysymymen aıyp taǵylǵan» kórinedi.

Esterińizde bolsa, byltyr pandemııaǵa deıin birqatar tanymal ánshiler lotereıa uıymdastyryp, túrli oıyn oınata bastaǵan-dy. Ánshiler jarnama jasap, qarjy pıramıdalaryna uqsas, kúmándi dúnıelerge halyqty legimen tarta bastaǵan.

«Investıııa quısańyzdar aqshańyzdy eselep qaıtaryp alasyzdar. Máselen, 300 myń salsańyz, 600 júz myń qylyp alasyz. Al 6,5 salsańyz,13 mılllıon utyp alasyz» dep qyzyqtyrǵan.

«2019 jyly Jazıra men Janbolat ta jarnama jasady. Soǵan bir otbasy 6,5 mılııon teńge aqsha salyp jiberedi. Biraq keıin jabylyp qalady da, kóp adam taqyrǵa otyrady.

Roza Álqoja da oıyn uıymdastyrady. Ol da birneshe avtokólik, úı tigip, eldi qatysýǵa shaqyrady. Bári ádil bolady dep jarnama jasaıdy. Oǵan da halyq aqsha salyp, bılet satyp aldy. Ánshiler Mádı, Azat jáne basqa da eki jigitti meniń menedjerlerim dep ataıdy. Olarmen qalaı habarlasýǵa bolatynyn posttaryna jazady», – deıdi advokat.

Olar bılet satyp alǵandarǵa  oıyn uıymdastyrylǵansha, basqa bir usynys jasaı turatynyn aıtady. «Tenderden medıınalyq apparattardy Germanııa men AQSh-tan aldyrtamyz. Soǵan ınvestıııa quısańyzdar, aqshańyzdy 15 kúnniń ishinde eselep qaıtaryp alasyzdar» dep úgitteıdi. Roza Álqojaǵa sengen halyq aqshasyn ákep sala bastaıdy.

«Jarnamada: «Biz – sharıǵat jolyndaǵy adamdarmyz, namazhanbyz. Isimiz adal», – dep ýaǵyz aıtady. «Sol vıdeony kórip, ózim de aqsha salǵym kelip ketti. Ádemi jetkizedi. Oıyndar bolady. Biraq aqshasyn áne beremiz, mine beremiz dep soza beredi.

Ekinshi oıyn bastalǵanda Roza Álqoja bas tartady. Ary qaraı Aqbota Kerimbekova jalǵastyrady. Investıııa tartý qaıta jalǵasady. Sosyn munyń da arty suıyrquıymshaqtanyp ketedi. Halyq aldanǵanyn bilip, advokattardy izdeıdi. Meni tabady. Bular halyqty oıynǵa shaqyryp alyp, aldap tur. Qarjy pıramıdasyna uqsas birdeńe», – deıdi advokat.

Ózderińizge belgili, qańtar aıynan bastap naýryzǵa deıin Ernar Aıdar da lotereıa oınata bastaǵan. Tigilgen máshıneleriniń bári jalǵa alynǵan kólikter bolyp shyǵady. Lotereıa uıymdarynyń biri muny baıqap qalyp, ekonomıkalyq tergeý departamentine aryz túsiredi. Ernar Aıdardyń qalaı ustalǵanyn áli eshkim umyta qoımasa kerek.

«Negizi, uıymdastyryp júrgen qasynda eki serigi bar – Mádı, Azat degen jigitter. Ánshilerdi aınaldyryp júrgender osylar. «Ózimniń oıynym» dep aıtqyzǵan. Ernar Aıdar ustalǵanda, máshıne utqandardyń bári – «ótirik adamdar», istemeıtin nómirlerdi kompıýterge tirkep qoıǵan. Bul telearnalar baǵdarlamasynda aıtylyp, shý boldy. Ótirik nómirlerdi anyqtady. Baǵdarlamaǵa ózim de qatystym», – deıdi Tileýjan Jumabekuly.

Kóp adam aldanyp qalyp, zańgerden aqshasyn qaıtaryp berýge kómektesýdi suraıdy. Advokat Ekonomıkalyq tergeý departamentine Aqbota Kerimbekovanyń, Jazıra men Janbolattyń, Roza Álqojanyń jáne olardyń artynda turǵandardyń ústinen qylmysty isti qozǵaý týraly aryz jaza bastaǵan. «Bir adamǵa ǵana qylmystyq is qozǵalyp, qalǵandaryna suraý salynbaǵany qatty tańdandyrdy», – deıdi advokat.

Eshkim jaýap ta almaǵan. Surastyryp kórse: «Karantın bastalyp ketti, ánshiler aýyryp jatyr eken» dep jaýap beredi tergeýshiler.

«Shyndyǵynda, ánshiler ınstagramda udaıy otyrǵanyn kórip júrdik. Tergeýshiniń sozbalańǵa salyp júrgenin sezip, onyń ústinen prokýroratýraǵa shaǵym túsirdim. Odan qaıran bolmaǵan soń, «jumys istemeı jatyr» dep, prokýrordyń da ústinen shaǵymdandym. Tym-tyrys. Aqyrynda buqaralyq aqparat quraldaryna júgindim. Joǵary basshylyq qadaǵalamasa, bul isti jyly jaýyp tastap jatyr dep shyryldadym. Keıbir ánshilerdiń biri vatsabyma habarlasyp qarǵap-silep, «nege qoımaısyń» dep qoqan-loqy kórsetti», – deıdi Tileýjan Kishkenebaev.

Biraq ádildik izdep júrgen munyń óziniń ústinen qylmystyq is qozǵala bastaǵanda ań-tań bolǵan. Advokattyń pikirinshe, bul is ánshilerdiń yqpalymen bolyp jatqan kórinedi.

«2017 jyly bir iske advokat retinde qatystym. Ol jerde ýchaskelik polıeıdiń qylmysy anyqtalady. Sol isi úshin úsh jylǵa sottalady. Is jabylady. Biraq ol is qazir qaıta qaralyp, men qýǵynǵa ushyradym. Bul – joǵarydan berilgen tapsyrma. Óshtesý! Ústimizden aryzdandyń dep qala prokýrlary da eregisti»,– deıdi advokat.

Bir qyzyǵy, bul iske bes epızod boıynsha, eki advokat qatysqan. Biraq ekinshi advokatty izdep jatqan eshkim joq eken.

«Óıtkeni, onyń kinási joq. Meniń de kinám joq. Meniń qorǵaýymda qazir 50 adam bar. Amanatyn alǵan soń, olardy qalaı jarty joldan tastap ketemin? Roza Álqoja nemese Aqbota Kerimbekova qysym kórsetti dep tastap ketemin be? Sýdıa men prokýrorlardan qoryqsam, qalaı advokat bolamyn?» – dep saýal tastaıdy Tileýjan Kishkenebaev.

Advokattyń aıtýynsha, áriptesteri oǵan barynsha qoldaý kórsetip jatyr. 25 advokat isti qarap shyǵyp, qaıta kóterilgen iste eshqandaı qylmystyq quramnyń joqtyǵyn alǵa tartqan.

«Advokattarǵa qysym jalǵasa berse, BUU-ǵa deıin shaǵymdanamyz», – deıdi T.Kishkenebaev.

Pikirler
Redakııa tańdaýy