Baıden aqsaqaldyń sózinen keıin, AQShtyń Orta Azııada yqpaly kúsheıýi kerek. Ol zańdy proess. Ár túrli fondtar men memlekettik emes uıymdardyń atyn jamylǵan saıası mıssıonerler kelýi kútilýde. Talaıy kelip te qoıǵan shyǵar. Basty maqsat - Qazaqstandy Reseı yqpalynan alystatý, Qazaqstan-Reseı qarym-qatynasyna kóleńke túsirý, qazaq ultshyldary men Qazaqstan oppozıııasyna astyrtyn kómektesý.
Alaıda, Reseı biz úshin tarıhı kórshi ári saıası-áskerı partner bolǵandyqtan, bizdiń memlekettiń arnaıy kúshteri AQSh yqpalynyń taralýyna qarsy jumys júrgizedi dep oılaımyn. Onyń ústine Ulttyq Qaýipsizdik Qyzmetiniń basshylyǵynda Reseı akademııasyn támámdaǵan polkovnık-generaldar joq emes, sonymen qatar Qorǵanys mınıstri Nurlan Ermekbaevtyń da, RosNeft kompanııasynyń ıesi, Igor Sechınmen dos ekeni málim. Áıgili Qaırat Qojamjarovtyń da Dmıtrıı Medvedevpen kýrstas ekenin umytpańyz.
Osynyń barlyǵy Qazaqstandy Reseı Federaııasynyń orbıtasynda ustaýǵa kepil bolady.
Al AQSh bizdiń esteblıshmenttegi atqa minerlerdiń Amerıka men Evropa banktterindegi qarajattaryn tartyp alýymen bopsalaýy múmkin. Talaı jyljymaıtyn múlik qazaq baılarynyń atynda jatyr, ony AQSh bilip otyr. Talaı sheneýnik pen olıgarhtyń mıllıardtary Shveıarııa men Lıýksembýrgta jatqanyn da umytpańyz. Osynyń barlyǵy AQSh úshin ol taptyrmaıtyn yqpal quraly.
Toq eteri, Reseı men AQSh qaqtyǵysy endi bastaldy. Pýtınniń minezi dúnıege málim. Aınalasynda uryspaǵan kórshisi qalmady. Baıden aqsaqaldyń "salasaleıkým" sózinen keıingi sózi "Pýtın qylmysker" boldy. Qazaqstan áskerı soǵys alańyna aınalmasa da, saıası soǵys alańyna aınalatynyna tolyq senimdimin.
Bul jerde kóp nárse Syrtqy Ister Mınıstrligine baılanysty. 2022-2024 jj SIM úshin óte aýyr jyldar bolady dep boljaımyn. Oryspen de dostyqty joǵaltpaı, alpaýyt AQShpen de aman-sálem túzý bolyp qalý kerek. Jerimiz úlken bolǵanymen, jerimizdi qorǵaıtyn qalqanymyz joq ...
Samat NURTAZA,
"Adyrna" ulttyq portaly
