Qazaqstanda tanymal änşı-ärtısterdıŋ konsertterıne bilet satudyŋ zaŋdylyǧy tekserıledı. Būl turaly densaulyq saqtau vise-ministrı – bas memlekettık sanitarlyq därıger Erlan Qiiasov mälımdedı, dep habarlaidy “Adyrna” ūlttyq portaoy Sputnik Qazaqstan saityna sılteme jasap.
Epidemiologiialyq jaǧdaiǧa arnalǧan onlain baspasöz mäslihaty barysynda jurnalister Qazaqstanda ırı konsertterge bilet satuǧa nege rūqsat berılgenın sūrady. Ärtıster jüzdegen körermenge arnalǧan stadiondarda öner körsetpek.
"Būǧan qatysty jeke tergeu jürgızemız. Bıraq, jalpy, "jasyl" aimaqta konsert zaldary men teatrlarda zaldy 30 prosentke ǧana toltyryp, barlyq sanitarlyq talapty saqtap, şaralar ötkızuge rūqsat etılgen. Al "sary" aimaqta konsert zaldary, teatrlar men kinoteatrlarda körermender sany 20%-ten aspauǧa tiıs. Būl parametrler respublika deŋgeiınde şyqqan qauly negızınde engızıldı", - dedı Qiiasov. Ol qazırgı taŋda ülken ıs-şaralardy ötkızuge tyiym salynǧanyn atap öttı. "Sız aitqan faktıler boiynşa tolyq aqparat sūratyp, är derektı jeke-jeke qaraimyz. Qanşalyqty zaŋbūzuşylyq bolǧanyn anyqtaimyz. Bälkım, bilet satu kelısılmegen şyǧar. Biletter Almaty men Nūr-Sūltan qalalary "jasyl" aimaqta tūrǧan kezeŋde satylǧan boluy mümkın. Däl qazırgı taŋda būl şaralardy ötkızuge tyiym salynǧan", - dedı vise-ministr.Aita ketsek, bilet satatyn saittarda aldaǧy ailary elorda men Almatyda Skriptonit, Emin, "Nervy" toby jäne taǧy basqa ärtısterdıŋ konsertterı ötetını körsetılgen.
