Qasym-Jomart Kemeluly Toqaev «Táýelsizdik bárinen qymbat» atty maqalasynda Naýryz meıramyn atap ótýdiń tujyrymdamasyn jasap, kóktem merekesiniń mazmunyn baıyta túsýdi usyndy. Izinshe tujyrymdama jobasy jasalyp, kópshilik talqysyna shyqty.
Ulttyq salt-dástúrimizdiń ajyramas bóligi babalardan bizge jetken ejelgi Naýryz merekesiniń mán-maǵynasyn arttyrý ortaq mindetimiz jáne rýhanııattyń altyn qazyǵy Qazaq radıosy bul jumysqa erekshe ekpinmen kiristi.
Osy rette, ulyq mereke qarsańynda, 17 naýryz kúni, Qazaq radıosy, jeti memlekettiń radıoarnalarynyń basyn qosyp, tikeleı efırde «Naýryz-2021» Halyqaralyq radıokópirin uıymdastyrady.
Iri Halyqaralyq joba aıasynda tikeleı efırde Iran, Túrkııa, Ázirbaıjan, Mońǵolııa, Qyrǵyz Respýblıkasy, Ózbekstan Respýblıkasy, Tatarstan Respýblıkasy radıoarnalarymen áýe tolqyny arqyly baılanys ornatyp, Naýryz meıramy ortaq halyqtarmen merekeniń mánin aıshyqtaýǵa, baýyrlas jáne irgeles elderdiń ulttyq dúnıetanymyn tyńdaýshyǵa jetkizýge tyrysamyz.
Radıokópirde Reseı, Franııa, Avstrııa, Belgııa, Koreıa, Japonııa elderindegi tyńdaýshylarmen tikeleı tolqynda tildesetin bolamyz.
Jeti memleket qatysatyn «Naýryz-2021» Halyqaralyq radıokópiri tuńǵysh ret uıymdastyrylyp otyr. Úsh saǵattyq radıokópir Qazaq radıosynan bólek «Shalqar» radıosynyń tikeleı efırinen de beriledi.
Halyqaralyq shara Qazaq radıosynyń 100 jyldyǵyna oraılasqan. 1921 jyly ult ustazy Ahmet Baıtursynulynyń bastamasymen Orynbor qalasynan aqparat tarata bastaǵan Bas radıo qazir el aýmaǵynyń 90 paıyzyna aqparat jetkizedi.
Dýlat ABIBÝLLAEV
