«Osynyń bárin Toqaevqa kórsetemin!» deıdi ashynǵan ana (vıdeo)

2611
Adyrna.kz Telegram

«Adyrna» ulttyq portaly kótergen mańyzdy másele baıqońyrlyq basshy-qosshylardy beı-jaı qaldyrmapty. Baıqońyrdaǵy aýrýhanada arnaıy jınalys ótti. Portalymyzda taıaýda ǵana Qyzylorda oblysy, Baıqońyr qalasyndaǵy dárigerlerdiń óz isine salǵyrt qaraý problemasy týraly turǵyndardyń shaǵymy jarııalanǵan bolatyn. Mine, osy máselege baılanysty keshe redakııamyzǵa taǵy da baıqońyrlyq azamattar habarlasyp, tómendegi jaǵdaıdy baıandady.

Galıfa Darbýzovanyń aıtýynsha, dárigerler eshkimdi qatystyrmaı, óz arasynda jınalys ótkizgen. Baıqońyrlyq turǵyndardyń negizgi shaǵymy jergilikti aýrýhana dárigerleri naýqastarǵa tıisti deńgeıde kómek kórsetpeıdi. Sonymen qatar problema boıynsha shaǵymdanǵandarǵa reseılik quqyq qorǵaýshylar tarapynan «Reseı Federaııasynyń zańyna sáıkes» dep bastalatyn eskertý jasalady eken. Bul az deseńiz, naýqastarǵa qoıylatyn dıagnozda kóp qatelik bolý sebebinen, turǵyndar zardap shegýde. Baıqońyr qalalyq aýrýhana basshysynan bastap, basqa da dárigerlerge qatysty jergilikti turǵyndardyń jan aıǵaıy tıisti organdarǵa jetip, qajetti qadamdar jasalsa deıdi turǵyndar. Sonymen qatar eger bul másele sheshimin tappasa, Q.Toqaevqa úndeý joldap, eger quqyqtary qorǵalmasa, basqa da áreketterge baratynyn málimdegen baıqońyrlyqtardyń bar úmiti basqarýshy bılikte.

«Adyrna» ulttyq portaly.  

Pikirler