Qostanaı oblysy polıııa departamentiniń bastyǵy Beket Aımaǵambetov 8 naýryzǵa qaraǵan túni Qostanaı polıııasynyń qyzmetkeri jasaǵan qylmystyń jaı-japsaryn baıandady. Janjaldasqan ekeý synyptas ekeni anyqtaldy, dep habarlaıdy “Adyrna” ulttyq portaly Sputnik Qazaqstan saıtyna silteme jasap.
Oblys polıııasynyń bastyǵy qarsylasyn tirkelgen qarýmen atyp tastaǵan qyzmetkerdiń departament qurylymynda basshylyq qyzmet atqarmaǵanyn, qarapaıym baǵdarlamashy bolǵanyn atap ótti. Ol qaqtyǵysqa ne sebep bolǵanyn da habarlady.
"Eki synyptastyń arasynda janjal shyqqan. Ol onnan astam adam tirkelgen chatta jalǵasqan. Baǵdarlamashyǵa synyptasy qoqan-loqy jasaǵan", - dep jazdy Aımaǵambetov óziniń Facebook paraqshasynda.
Onyń aıtýynsha, polıeıdiń synyptasy oǵan qarýly adamdar jibergenin aıtyp, óltiremin dep qorqytqan. Ondaı habarlamany birneshe ret jazǵan.
"Buryn sottalǵan synyptas ishimdik iship, 8 naýryzda túngi saǵat úsh shamasynda tanysymen birge polıeıdiń úıine kelgen. Ol oǵan taǵy da qoqan-loqy jasaǵan. Óziniń atyna tirkelgen qarýdy alyp shyqqan polıeı oq atqan, jábirlenýshi kóz jumdy", - dedi Qostanaı oblysy polıııa departamentiniń bastyǵy.
Aımaǵambetov qazirgi ýaqytta polıııa qyzmetkeri qamaýǵa alynǵanyn habarlady.
Qazaqstan Qylmystyq kodeksiniń 99-baby 1-bóligi – "Adam óltirý" boıynsha sotqa deıingi tergeýden bólek, ishki qaýipsizdik basqarmasynyń qyzmetkerleri qyzmettik tekseris júrgizip jatyr. Is erekshe baqylaýǵa alyndy.
