Qostanai oblysy polisiia departamentınıŋ bastyǧy Beket Aimaǧambetov 8 nauryzǧa qaraǧan tünı Qostanai polisiiasynyŋ qyzmetkerı jasaǧan qylmystyŋ jai-japsaryn baiandady. Janjaldasqan ekeu synyptas ekenı anyqtaldy, dep habarlaidy “Adyrna” ūlttyq portaly Sputnik Qazaqstan saityna sılteme jasap.
Oblys polisiiasynyŋ bastyǧy qarsylasyn tırkelgen qarumen atyp tastaǧan qyzmetkerdıŋ departament qūrylymynda basşylyq qyzmet atqarmaǧanyn, qarapaiym baǧdarlamaşy bolǧanyn atap öttı. Ol qaqtyǧysqa ne sebep bolǧanyn da habarlady.
"Ekı synyptastyŋ arasynda janjal şyqqan. Ol onnan astam adam tırkelgen chatta jalǧasqan. Baǧdarlamaşyǧa synyptasy qoqan-loqy jasaǧan", - dep jazdy Aimaǧambetov özınıŋ Facebook paraqşasynda.
Onyŋ aituynşa, poliseidıŋ synyptasy oǧan qaruly adamdar jıbergenın aityp, öltıremın dep qorqytqan. Ondai habarlamany bırneşe ret jazǧan.
"Būryn sottalǧan synyptas ışımdık ışıp, 8 nauryzda tüngı saǧat üş şamasynda tanysymen bırge poliseidıŋ üiıne kelgen. Ol oǧan taǧy da qoqan-loqy jasaǧan. Özınıŋ atyna tırkelgen qarudy alyp şyqqan polisei oq atqan, jäbırlenuşı köz jūmdy", - dedı Qostanai oblysy polisiia departamentınıŋ bastyǧy.Aimaǧambetov qazırgı uaqytta polisiia qyzmetkerı qamauǧa alynǧanyn habarlady. Qazaqstan Qylmystyq kodeksınıŋ 99-baby 1-bölıgı – "Adam öltıru" boiynşa sotqa deiıngı tergeuden bölek, ışkı qauıpsızdık basqarmasynyŋ qyzmetkerlerı qyzmettık tekserıs jürgızıp jatyr. Is erekşe baqylauǧa alyndy.
