Túrkistan oblysy Tólebı aýdanynda úshem dúnıege keldi, dep habarlaıdy oblys ákiminiń baspasóz qyzmeti.
Leńgir qalasynyń 36 jastaǵy turǵyny Aqerke Sergebaeva oblystyq №1 perınataldy ortalyǵynda eki qyz ben bir ul bosandy.
Túrkistan oblysy qoǵamdyq densaýlyq basqarmasynyń málimetinshe, osymen oblysta jyl basynan beri ekinshi úshem dúnıege keldi. Jańa týylǵan nárestelerge Baljan, Maǵjan, Toǵjan esimderi berildi.
Merziminen erte týǵan úshem perınıtaldyq ortalyq dárigerleriniń baqylaýyna alynǵan. Medıına qyzmetkerleriniń kómegimen sábıler salmaq qosyp, densaýlyq jaǵdaıy jaqsarǵan. Úshem perzenthanadan shyǵýǵa ázir.
Úshem dúnıe kelgen otbasynyń bir ul men úsh qyzy bar. Otaǵasy da, kópbalaly ananyń ózi de mektepte jumys isteıdi.
«Qorqynysh boldy, árıne. Allanyń syıyna sansyz shúkir. Sábılerimdi baǵyp, kútken dárigerlerge sheksiz rızamyn», – deıdi úshemniń anasy.
Jyl basynan beri Túrkistan oblysynda 10 myńnan astam sábı dúnıege keldi.
