Byltyr Balqash qalasynda 13 jasar qyzdy zorlaǵan polıeı 14 jylǵa bas bostandyǵynan aıyryldy, dep habarlaıdy jergilikti "Moı gorod" basylymy.
Al tártip saqshylary kúdikke ilingen áriptesterin oblys aýmaǵynan qashyp ketýge árekettengen kezinde tutqyndaǵan.
2020 jyldyń jazynda polıııa qyzmetkeri 13 jastaǵy qyzdyń anasyna habarlasyp, olardyń saıajaıynda qarasora ósetinin aıtqan. Osy jaıttyń anyq-qanyǵyn bilý maqsatynda jáne jergilikti balalardan suraq-jaýap alý úshin saıajaıda turǵan qyzynyń telefon nómirin suraǵan.
Odan keıin polıeı jasóspirimge: "seniń saıajaıda marıhýana shekkeniń týraly mende aqparat bar" dep jazyp, mundaı áreket úshin ákesin 10 jylǵa bas bostandyǵynan aıyrýǵa bolatynyn eskertip, qorqytqan. Tipti, keıbir qujattarǵa qol qoıý úshin ózimen kezdesýdi talap etken.
Kezdesý kezinde ol qyzdy odan saıyn qorqytyp, óziniń dostarymen birge marıhýana qoldanyp júrgeni týraly jalany moıyndaýǵa májbúr etedi. Ol osyndaı "moıyndaýdy" qujat júzinde toltyryp bolǵan soń, bul týraly ata-anasyna tis jarmaýy úshin jasóspirimdi bopsalap, jynystyq qatynasqa túsken.
Bastapqy kezde qyzdyń ata-anasy bergen aryz boıynsha polıeıler is qozǵaýdan bas tartyp, óz áriptesterin qyzmetten qýýmen ǵana shektelgen.
Keıinnen eks-polıeı jasóspirimniń ata-anasynan keshirim surap, aryzdy qaıtaryp alýdy ótingen. Tipti, jasóspirimdi súıip qalǵandyǵyn da aıtyp aqtalǵan.
