Túrkistan qalasyn sanıtarlyq tazalaýǵa 83 arnaıy tehnıka jumyldyrylǵan. Aldaǵy ýaqytta olardyń sanyn 100-den asyrý josparda bar dep habarlaıdy «Adyrna» ulttyq portaly Túrkistan oblystyq baspasóz qyzmetine silteme jasap.
Tazalyq naýqanyna daıyndyqpen tanysqan oblys ákimi Ómirzaq Shókeev kúsheıtilgen rejımge kóshýdi tapsyrdy. Qala kóshelerin kúl-qoqystan tazartyp, joldardy jýýǵa arnalǵan san alýan túrli tehnıka Túrkistan kóshelerine shyqty. Atalǵan jumystar tynymsyz júrgiziletin bolady.
Túrkistan qalasynda tazalyq naýqany júrip jatyr. Ár senbi kúni qala aýmaǵynda jalpyhalyqtyq senbilik uıymdastyrylýda. Sharaǵa atsalysqan azamattar alǵys hatpen marapattalady. Qalany qoqystan tazartyp, tazalyqty saqtaýǵa járdem berip, janashyrlyq tanytqan jandar tal egý jumystaryna da belsendi qatysýda. Qala turǵyndary óz aýlalary men kóshe aýmaqtaryndaǵy qoqystar, aryqsha ishterin tazalasa, qyzmetkerler mekeme mańdaryna tazalyq jumystaryn júrgizýde.
Qaladaǵy qurylys nysandarynda júrgizilip jatqan jumystardyń barysymen tanysqan oblys basshysy shahardy jaryqtandyrýda qolǵa alynǵan jańa jobalarmen tanysty. Túrkistandaǵy barlyq iri ǵımarattar, saıabaqtar, kópirler men demalys oryndary bir úlgide jaryqtandyrylyp, qalaǵa qaıtalanbaı reńk berdi. Kóne shahar birneshe baǵytta kórkeıip, zamanaýı tehnologııalardyń kómegimen «aqyldy qalaǵa» aınalýda.
Túrkistan tas joldaryn tazalaýǵa júzdegen tehnıka shyqty
03.03.2021
2537
Pikirler
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз