Qazaq memlekettik ırkiniń shyǵarmashylyq ujymy erekshe merekelik lazerlik shoý negizinde ázirlengen Amadeı Gofmannyń «elkýnchık jáne tyshqan patshasy» ertegisiniń jelisi boıynsha 2016 jyldyń 18 jeltoqsany men 2017 jyldyń 8 qańtar aralyǵynda ótetin «elkýnchık ırk alańynda» atty baǵdarlamasyna eresekter men balalardy shaqyrady.
17 jeltoqsan kúni tańǵajaıyp erteginiń jýrnalısterge arnalǵan kórsetilimi boldy. Sıqyrly erteginiń basty keıipkerleriniń biri – elkýnchık – ol ádemi hanzada, ol tyshqan patshalyǵynyń zulym hanshaıymy Myshıldanyń sıqyrymen aǵash qýyrshaqqa aınaldyrylady. elkýnchık tyshqan patshasyn jeńgende ǵana Hanzadanyń sıqyry joıylyp, ony keremet sulýqyz Marı súıip qalady. Biraq, zulym Myshılda qarap qalmaıdy, ol elkýnchıkti urlap alyp shaınap tastamaqshy bolady. Tek qana Mýrr áýleti ǵana tyshqandardy qorqytyp, elkýnchıkti qorǵaı alady. Bul jańa jyldyq qoıylym joramal men qupııaǵa toly ǵajaıypty kútýde.
Ertegi keıipkerleri Drosselmeıer, elkýnchık, Marı, Frı, Myshılda, tyshqan patshasy, Aıaz ata, Aqshaqar bolsa, olarmen qosa, áýe gımnastary, akrobattar, ekvılıbrıster jáne úıretilgen janýarlar, kloýndar balalarǵa kóńildi kesh syılaı bildi. Máskeýden ákelingen úlken kólemdi lazerlik 3D shoýy da balalarǵa sıqyr álemine enýge kóp septesti. Ǵajaıyp qórinisterdi Qazaq memlekettik ırkiniń áıgili balet toby – «Farandol» súıemeldep otyrdy.
Jańa baǵdarlama – ırk, teatr, mýzyka jáne horeografııalyq ónerlerdiń úzdik dástúrleriniń jıntyǵy. Rejısserlik-qoıylym tobynyń aldyna qoıǵan maqsaty – tek qana kórermenniń kóńil-kúıin kóterý ǵana emes, sonymen qatar, bul qoıylymnan kórermenniń ózine alar bilimi men tárbıelik máni de orasan zor. ırk óneriniń kishkentaı áýesqoılary P. I. Chaıkovskııdiń ataqty baleti «elkýnchık» mýzykasyn da tamashalady. Arnaıy osy baǵdarlamaǵa arnap, jańa ırktik nomerler qoıyldy, arnaýly mýzyka jazyldy, jańa kostıýmder tigilip, rekvızıttar daıyndaldy. Bul ırktik joba kez kelgen jastaǵy alýan túrli kórermenderge arnalady. Sizderdi sıqyrly álem men tańǵajaıyp kórinister tántti eteri sózsiz!
Baqyt BÓKEBAEV, Qazaq memlekettik ırkiniń dırektory:
- Qazaq memlekettik ırkiniń tarıhyna qarap otyrsaq, bul ırkte tól týyndylar óte sırek qoıylǵan eken. Sol olqylyqtyń ornyn toltyrý maqsatynda Jańa jyl merekesi qarsańynda Amadeı Gofmannyń «elkýnchık jáne tyshqan patshasy» ertegisiniń jelisi boıynsha «elkýnchık – ırk alańynda» atty qoıylym qoıyp otyrmyz. Ármen qaraı da biz bul baǵytta júıeli jumystar júrgizetin bolamyz. Kóktemde Ulystyń uly kúni – Naýryz merekesi qarsańynda qazaq ertegisi negizinde qoıylym qoıýdy oılap otyrmyz. Biraq, áli joba jan-jaqty oılastyrylýda.
Arman SERIKULY
