«Joǵary bilimimiz bola tura, jalaqymyz eden jýýshylarmen birdeı». Dál osyndaı ýájben «Adyrna» ulttyq portalynyń redakııasyna qyzylordalyq logoped-defektologtar habarlasty. Qyzmetkerlerdiń aılyq jalaqylary bir jyldan beri ózgermegen.
«Osy máseleni qansha kótersek te, esh ózgeris bolmady. Jazyp sharshadyq»,-deıdi olar.
Logoped-defektologtardyń endigi úmiti QR Prezıdenti Q.Toqaev pen Densaýlyq saqtaý mınıstri A.oıda. Nazarlaryńyzǵa mamandardyń ashyq hatyn usynamyz.
Qazaqstan Respýblıkasynyń Prezıdenti
Q.K.Toqaevqa
QR Densaýlyq saqtaý mınıstri
A.V.oıǵa
Qurmetti Qasym-Jomart Kemeluly, Alekseı Vladımıruly! Biz – Qyzylorda oblysynyń densaýlyq saqtaý basqarmasyna qaraıtyn logoped-defektolog mamandarmyz. Aılyq jalaqymyz bir jyldan beri ózgermegendikten, sizderge ashyq hat joldap otyrmyz. Joǵary bilimimiz bola tura aılyq jalaqymyz eden jýýshylarmen birdeı.
2020 jyldyń 1 qańtarynan bastap dárigerlerdiń jalaqysy ortasha 30% -ǵa (tipti kishi qyzmetkerlerdiń jalaqysy da), bilim berý uıymdary pedagogtarynyń laýazymdyq jalaqysy 25%-ǵa ósti. Al Densaýlyq saqtaý salasynda jumys jasaıtyn logoped-defektolog mamandardyń jalaqysy ózgerissiz qaldy.
Osy saýaldy QR Densaýlyq saqtaý mınıstrligine joldaǵanymyzda «QR Úkimetiniń 2015 jyl 31 jeltoqsan №1193 qaýlysyna Densaýlyq saqtaý salasy pedagogtarynyń laýazymdaryn qosý bóliginde ózgerister men tolyqtyrýlar engiziledi» degen jaýap aldyq. Alaıda jaýap kelgeli 1 jyldan asa ýaqyt ótse de, logoped-defektolog mamandardyń eńbek aqysy kóterilmedi. Bıyl da medıına qyzmetkerleri men pedagogterdiń jalaqylary ósti. Tek logoped-defektologtar ǵana sol baıaǵy jartymsyz jalaqymen qaldyq.
Densaýlyq saqtaý salasyndaǵy logoped-defektolog mamandar da Mindetti áleýmettik medıınalyq saqtandyrý júıesi boıynsha jumys jasap otyr. Qazirgi tańda ár túrli dárejedegi til kemistikteri, psıhıkalyq tejeýlik, BP, aýtızm, Daýn sındromy, t.b logopedııalyq dıagnozdarmen keletin balalarǵa jáne ınsýlt alǵan eresekterge kómek kórsetýdemiz. Júrip turýy qıyn naýqastardyń úıine shaqyrtýmen baramyz. Bul naýqastarmen jumys jasaǵanymyz úshin bizge qosymsha aqy tólenip otyrǵan joq. Al mekteptegi logoped-defektolog mamandarǵa osy qyzmetterdi atqarǵany úshin belgili bir soma tólenedi.
Qurmetti Alekseı oı myrza, joǵaryda kórsetilgen Qaýlyǵa qashan ózgertý engiziledi? Bizge nege pedagog mártebesi berilmeıdi? Pedagog maman retinde kategorııaga tapsyrýǵa nege ruqsat joq? Tipti aramyzdaǵy kategorııasy bar mamandarǵa qosymsha aqy tólenbeýde. Jalpy aýada júrgen maman ıesimiz. Bul sonda kemsitýshilik pe, tómendetý me, álde joǵary bilimdi maman retinde quqyǵymyzdyń taptalýy ma? Suraq kóp, jaýap sizden mınıstr myrza...
Qurmetti Gúlshara Naýshaqyzy, sizden de osy máseleni basty nazarǵa alyp, bizge basshylyqtyń qysym kórsetýine jol bermeýińizdi suraımyz.
Qurmetpen, qyzylordalyq logoped-defektologtar
