Qazaqstan Respýblıkasy Aqparat jáne qoǵamdyq damý mınıstrligi «Qazaqstannyń 100 jańa esimi» jobasynyń tórtinshi kezeńiniń bastalǵanyn málimdedi, dep habarlady «Adyrna» tilshisi.
Ótinimderdi qabyldaý 2021 jyldyń 22 aqpanynan 15 naýryzyna deıin 100janaesim.ruh.kz saıtynda júzege asady.
«Qazaqstannyń 100 jańa esimi» jobasy – Táýelsizdik jyldarynda tabysqa jetken, elimizdiń ár óńirinde turatyn túrli jastaǵy, san alýan etnos ókilderiniń tarıhy. Joba 2017 jyly Elbasy N. Nazarbaevtyń bastamasymen jaryq kórip, bıyl da jalǵasyn tapty.
«Bıylǵy baıqaý – el Táýelsizdiginiń 30 jyldyǵy aıasynda uıymdastyrylýda. Osy jyldar ishindegi elimizdiń tabystary – el azamattarynyń eren eńbeginiń jemisi. Jaqsydan úıren degen halqymyz jas urpaqty osyndaı adamdardan ónege alýǵa tárbıelegen»,- dedi QR Aqparat jáne qoǵamdyq damý mınıstri Aıda Balaeva.
Jobaǵa elde jáne elden tys jerlerde turatyn qazaqstandyqtar qatysa alady.
Qatysýshylardyń ótinimderi kelesi 7 nomınaııa boıynsha irikteledi: medıına, bilim berý, ǵylym jáne ınnovaııa, ekologııa, mádenıet jáne sport, bıznes, qoǵam.
Qatysý úshin úmitkerler 100janaesim.ruh.kz saıtyndaǵy saýalnamany toltyrý qajet. Joba sharttaryna sáıkes qatysýshy senimdi aqparat berýge mindettenedi. Jalǵan aqparat usyný, onlaın daýys berý kezinde falsıfıkaııaǵa júginý syndy nemese ózge de quqyq buzýshylyq aktileri anyqtalsa, uıymdastyrýshylar qatysýshyny jobadan shyǵaryp jiberýge quqyly.
Barlyq ótinimder moderaııadan ótedi, keıin saıtta jarııalanady. Ótinimderdi qabyldaý merzimi aıaqtalǵannan keıin búkilhalyqtyq onlaın daýys berý bastalady. Sondaı-aq, ótinimderdiń belgili bir bóligi tanymal qoǵam jáne mádenıet qaıratkerleri, sport, bıznes ókilderinen turatyn qazylar alqasynyń qaraýyna usynylady. Oǵan qosa osy jyldan bastap ótken maýsymdardyń jeńimpazdary qazylar alqasynyń quramyna enedi.
Daýys berý kezinde eń kóp upaı jınaǵan jáne qazylar alqasynyń tańdaýyna ilingen qatysýshylar aǵymdaǵy jyldyń sáýir aıynda joba jeńimpazdary bolyp atanady.
«Adyrna» ulttyq portaly
