Talǧar audanynda tuystar arasyndaǧy tüsınbeuşılık adam ölımıne äkeldı, – dep habarlaidy «Adyrna» ūlttyq portaly Polisia.kz-ke sılteme jasap.
16 aqpan künı Talǧar audany Polisiia bölımıne Tūzdybastau auylyndaǧy janar-jaǧarmai beketı aumaǧynda er adamnyŋ mäiıtı tabylǧany turaly habar tüsken. Oqiǧa ornyna şūǧyl jetken tärtıp saqşylary qaitys bolǧan adamnyŋ 1973 jyly tuǧan Baibūlaq auylynyŋ tūrǧyny ekenın anyqtaǧan.
– Qinap öltıru belgılerı bar er adamnyŋ mäiıtı tabyldy. Osyǧan orai, QR Qylmystyq kodeksınıŋ 99-babyna säikes adam öltıru deregı boiynşa qylmystyq ıs qozǧaldy. Qylmysqa qatysy bar küdıktını jedel anyqtau şaralary barysynda 29 jastaǧy jıgıt ūstaldy. Sotqa deiıngı tergeu amaldary jürgızılude. Özge aqparat tergeu qūpiialyǧyna bailanysty taratylmaidy, – dedı Talǧar audany Polisiia basqarmasynyŋ bastyǧy Janbolat Ziiadin.Tergeu barysynda küdıktı qylmys jasaǧanyn tolyǧymen moiyndaǧan. Onyŋ qaitys bolǧan er adamǧa jaqyn tuys ekenı anyqtaldy. Köp uaqytqa sozylǧan tuystar arasyndaǧy kikıljıŋ osy qylmysqa äkep soqqan.
– Tergeu barysynda 1992 jyly tuǧan jıgıttıŋ nege qylmysqa barǧany anyqtalady. Tuysymen sözge kelıspei qalǧan ol aşuǧa boi aldyryp, qolyndaǧy pyşaqpen dene jaraqatyn salǧany belgılı boldy. Is boiynşa tiıstı saraptamalar taǧaiyndaldy. Küdıktı uaqytşa ūstau izoliatoryna qamaqqa alyndy, – dep tolyqtyrdy Janbolat Ziiadin.
«Adyrna» ūlttyq portaly
Ūqsas jaŋalyqtar
