Saýda jáne ıntegraııa mınıstrliginiń alqa otyrysynda vıe-mınıstr Janel Kúshikova EAEO aıasynda keıbir memleketter Qazaqstan aldyndaǵy mindettemelerin oryndamaı otyrǵanyn málimdedi. Bul týraly QazAqparatqa silteme jasap, "Adyrna" ulttyq portaly habarlaıdy.
«Eýrazııalyq ekonomıkalyq odaqtyń ortaq naryǵynyń áleýetin tolyqqandy júzege asyrýǵa jekelegen faktorlar kedergi keltirip tur. Birinshiden, ózara saýdaǵa qoıylǵan kedergiler bar. Otandyq taýarlardyń eksporty eń aldymen Reseı naryǵyna baǵyttalǵan. Sonymen birge reseılik naryqtaǵy qazaqstandyq bıznestiń jandanýy - seriktesterdiń shekteý sharalaryn engizýine sebep bolyp otyr. Búgingi kúni dáleldengen 63 kederginiń 54-i joıyldy, onyń 25-i reseılik taraptan qoıylǵan. Onyń ózinde bul tizim tolyq emes», - dedi Janel Kúshikova Saýda jáne ıntegraııa mınıstrliginiń alqa otyrysynda.
Onyń aıtýynsha, Úkimet osy kedergilerdiń bárin anyqtap, EEK alańynda olardyń kúshin joıý úshin qajetti sharalardy qabyldaýda.
«Máselen, ótken jyly qazaqstandyq bıznes úshin eń jandy degen 8 kederginiń kúshi joıyldy. Olardyń jalpy somasy 100 mıllıon dollardy quraıdy. Bıznespen keri baılanysty jolǵa qoıý úshin Qoǵamdyq qabyldaý qyzmeti quryldy. Bizdiń bıznestiń jumysyna kedergi keltiretin taǵy 8 kedergini alyp tastaý kerek», - dedi ol.
Janel Kúshikova sonymen qatar ekonomıkalyq odaqta seriktes memleketterdiń keıbiri ózine alǵan mindettemelerdi oryndamaı jatqanyn atap ótti.
«EAEO týraly Kelisimniń negizgi erejeleri josparlanǵan ýaqyttan qalyp barady. Tipti jekelegen erejeler múlde shet qalǵan. Keıbir kelisimderdiń kúshine ený merzimi uzaryp ketti. Memlekettik satyp alý salasyndaǵy ulttyq rejım tolyǵymen oryndalmaıdy. EAEO-daǵy belgili seriktester aımaqtyq sertıfıkattaý túrinde qosymsha talaptardy belgilep qoıǵan. Bank kepildikteri men ESQ-ny taný tártibi múlde joq. EAEO-ǵa múshe memleketterdiń ishki shekaralarynda baqylaýdyń barlyq túriniń joıylǵanyna qaramastan, is júzinde baqylaýdyń jańa túrleri paıda bola bastady. Osylaısha, Reseı Federaııasynda veterınarııalyq-sanıtarlyq baqylaý degen shyqty. Al federaldy keden qyzmetiniń mobıldi toptary is júzinde kedendik baqylaýdy júzege asyrady. EAEO-nyń aqparattyq ıntegraııalanǵan júıesi jumys isteýden qaldy. Jýyq arada osy máselelerdi kóteremiz», - dedi ol.
Janel Kúshikova úshinshiden ekonomıkalyq odaqqa múshe memlekettermen kooperaııa deńgeıi múlde tómen ekenin alǵa tartty.
«Ókinishke qaraı, EAEO-ǵa múshe memleketter bir-birine teń seriktes emes, básekeles retinde qaraıdy. Osy baǵyttaǵy jumysty kúsheıtý qajettigin Premer-Mınıstr 5 aqpandaǵy Eýrazııalyq úkimetaralyq keńestiń otyrysy barysynda da atap ótti. Úshinshi eldermen saýda kelisimderiniń áleýetin barynsha arttyrýǵa múmkindik beretin yntymaqtastyqty jolǵa qoıý kerek dep sanaımyz», - dedi ol.
