Atyraýdyń kireberisindegi árqaısysy 300 mln teńgeden astam qarjyǵa salynǵan, 3 polıııa beketi bos tur. Ony kútip ustaý jumystaryn, endi qala ákimdigi senimgerlik basqarýǵa berýge tyrysýda, dep habarlaıdy «Adyrna» tilshisi «Astana TV» arnasyna silteme jasap.
2018-shi jyly ǵana salynǵan eki qabatty nysandardyń jylytý qazandyǵy men transformatory bólek. Beınebaqylaý kamerasy da, kólik turaǵy da bar. Alaıda aımaq kásipkerleri bul nysandarǵa qyzyǵar emes.
«2 ret shyǵardyq. Telefon soǵyp, habarlasyp suraýshylar bar. Eki-úsh adam surady. Osyndaı nysan shyǵypty, qatysaıyq,- dep edik dep. Alaıda tenderge shyǵarylǵan ýaqytta eshkim qyzyǵýshylyq tanytpaı otyr. Sol sebepti úshinshi ret shyǵaryp otyrmyz»,-dedi Atyraý qalasy ákimdigi qarjy bóliminiń orynbasary Gúlhan Ǵalymjanova.
Qyzyqpaýdyń da birneshe sebebi bar sııaqty. Óıtkeni shendiler kásipkerlerge nysannyń barlyq shyǵynyn kóterip qana qoımaı, tótenshe jaǵdaı bola qalǵan jaǵdaıda 24 saǵat ishinde bosatyp berýdi talap etip otyr. Onyń ústine ǵımarattan kórgen jyldyq paıdasynyń belgili bir bóligin qala qazynasyna berýdi mindetteıdi. Qomaqty qarjyǵa salynǵan zamanaýı ǵımaratty jergilikti polıııa paıdalanyp ta úlgergen joq. IIM sybaılas jemqorlyqqa qarsy áreketterin júzege asyrý jospary aıasynda, 2019 jyly beketterdi jappaı alyp tastaǵan edi.
Aıta keteıik, bul beketter ótken jazda kúsheıtilgen karantın kezinde blok-beket retinde paıdalanyldy.
«Adyrna» ulttyq portaly
