Aqtóbe oblysyndaǵy munaıshylardyń daýy sheshilip, endi Mańǵystaý oblysynyń munaıshylary eńbekaqyny kóterýdi talap etip otyr, dep habarlaıdy "Adyrna" ulttyq portaly Sputnik.kz saıtyna silteme jasap.
Buǵan deıin Aqtóbe oblysyndaǵy Temir aýdanynda jumys istep júrgen munaıshylar ereýilge shyqqan bolatyn. 25 qańtarda Kókjıde ken ornynda "KMK Munaıdyń" 100-ge jýyq jumysshysy bas kóterse, tórt kúnnen keıin Bashenkólde "AMK Munaıdyń" 62 munaıshysy kóshege shyqty. Barlyǵy jalaqyny kóterýdi talap etti. Sebebi ortasha jalaqy 60-150 myń teńgeden aspaıdy. Munaıshylar prezıdentke beıneúndeý de jarııalady.
Oblystyq eńbek ınspekııasynyń basshysy Salamat Amanbaevtyń aıtýynsha, "KMK Munaıda" jumysshylardyń jalaqysyn 20 proentke kóterýge sheshim qabyldandy. Oǵan qosa, tarıftik razrıadtardy kóteredi. Osylaısha, eńbek daýy sheshilip, munaıshylar óz jumysyna kiristi.
"Al "AMK Munaı" kompanııasynda árbir jumysshynyń jalaqysyna 40 myń teńge qosyp beredi. Naýryz meıramyna qaraı taǵy jalaqynyń 50 proentin syıaqy retinde alady. Úsh aıdyń ishinde jalaqynyń kólemi qaralyp, jańa kelisimshartta kórsetiledi", - deıdi Amanbaev.
Aıta keteıik,"KMK Munaı" AQ resmı saıtynda kompanııanyń eki iri akıoneri kórsetilgen. Olar - "SNPS-Aqtóbemunaıgaz" AQ jáne Yukon Energy Holding S.A. Kompanııa prezıdenti - Wang Jinbao (Van zınbao). Al "AMK Munaı" kompanııasy káris kompanııasyna qyzmet kórsetedi.
Aqtóbe oblysynda munaıshylar máselesi sheshilgennen keıin Mańǵystaýdyń munaıshylary kóshege shyqty. Jańaózende "MunaıSpeSnab Kompanı" JShS jumysshylary jalaqyny kóterýdi jáne jumys tártibin retteýdi talap etip otyr. 1 aqpanda akııaǵa ondaǵan adam jınaldy. Olarmen kompanııanyń bas dırektory Erlan Sábıev kezdesti.
