HardTalk baǵdarlamasynyń júrgizýshisi Stıven Sakýr Alekseı Navalnyıdyń jaqyn serigi, saıasatker Leonıd Volkovpen suhbattasyp, oppozııonerdiń hal-jaǵdaıyn surap bildi, dep habarlaıdy «Adyrna» tilshisi.
«Qazir Navalnyımen zańgerler arqyly baılanysa alamyz. Eshkim onymen jeke qalyp sóılese almaıdy. Bılik barlyǵyn óz baqylaýyna aldy. Búginde Alekseı óz kamerasynan narazylyq bildirip jatyr deý – bul asyra aıtý. Shyndyǵynda, onyń mundaı múmkindigi joq. Biraq Navalnyı qurǵan jáne qazir men basqaryp otyrǵan saıası qurylym kem degende biraz ýaqyt bul qarqynǵa tótep bere alady»,-dedi ol.
Volkovtyń aıtýynsha, oppozıııalyq saıasatkerdiń jaǵdaıy jaqsy.
«Fızıkalyq turǵydan alǵanda, ol tolyqtaı qalpyna keldi dep aıtýǵa bolady. Óıtkeni, Navalnyı Reseıde eleýli táýekelderge tap bolatynyn túsindi. Aıta ketetin dúnıe bar. Qazir Navalnyı tanymal «Matrosskaıa tıshına» tergeý abaqtysynda otyr. Osy túrmede 2009 jyly alaıaqtyq áreketterdi áshkereleýge tyrysqan zańger Sergeı Magnıtskıı azaptalyp, qaıtys bolǵan edi. Bul Reseıdiń qupııa qyzmeti FSB basqaratyn túrme. Iaǵnı, ol bes aı buryn dosymyzdy óltirýge tyrysqan adamdardyń baqylaýynda»,-dep sózin tolyqtyrdy saıasatker.
Suhbat barysynda Leonıd Mıhaıluly reseılikterdiń Pýtınniń úndeýlerine nazar aýdarmaıtynyn atap ótti.
«Qýantarlyǵy, reseılikter endi Pýtın myrzanyń eskertý ısharalaryn tyńdaǵysy kelmeıdi. Qazir olar Reseıdiń ońtústigindegi quny bir mıllıard fýnt turatyn saraı týraly tolyǵymen biledi. Bes aı buryn bolǵan Navalnyıdyń ýlanýy týraly biledi. Osy ýlanýdy 40 mıllıon adam zerttedi. Búginde Pýtınniń ótirikke negizdelgen nasıhaty budan birneshe jyl buryn bolǵan sııaqty effektıvti emes»,-dedi ol.
«Adyrna» ulttyq portaly
