Bilim jáne ǵylym mınıstri Ashat Aımaǵambetov bilim salasynyń ókilderimen kezdesý ótkizip, suraqtaryna jaýap berdi, dep habarlaıdy «Adyrna» tilshisi.
Saǵat 11:00-de bastalǵan jıyn 15:25-te aıaqtalǵan.
«Áriptesterim kókeılerinde júrgen saýaldaryn qoıyp, máselelerin ortaǵa saldy jáne ıdeıalarymen bólisti. Ustazdar "bilikti pedagogter basshylyq laýazymdarǵa umtylýǵa qulyqty emes", - deıdi. Óıtkeni dırektorlardyń aılyǵy ustazdardyń eńbekaqysynan áldeqaıda tómen. Degenmen, júkteletin mindet kóp, artylatyn jaýapkershilik joǵary.
Osyǵan baılanysty mektep basshylaryn taǵaıyndaý jáne olardyń jalaqysyn arttyrý boıynsha engiziletin ózgerister týraly aıttym.
Aldaǵy ýaqytta osy jańashyldyqtar jaıynda tolyǵyraq jazatyn bolamyn»,-dedi mınıstr.
«Adyrna» ulttyq portaly
