Reseı men Ýkraına arasynda áskerı qaqtyǵys bolýy múmkin

2982
Adyrna.kz Telegram

 Amerıkanyń halyqaralyq qatynastar jáne aldyn ala saqtandyrý ortalyǵynyń sarapshylary 2021 jyly Ýkraına men Reseı arasynda áskerı qaqtyǵys bolýy múmkin ekendigin boljap otyr.

Amerıkalyq mamandar bıyl álemde bolýy yqtımal otyzǵa jýyq áskerı qaqtyǵystardyń núktelerin atap kórsetken.

Birinshi áskerı qaqtyǵystardyń bolý yqtımaldyǵy óte joǵary aımaqtar, bul tipti Amerıkanyń múddesine, qaýipsizdigine nuqsan keltiredi. Ekinshi topqa jatatyndar – qyzǵylt sary aımaqtar, bul soǵysqa ıtermeleıtin núktelerge jatady.  Úshinshi toptaǵylar –sary aımaq, onyń Vashıngtonǵa asa qaýpi joq.

Amerıkalyq keńestiń sarapshylary Donbass aýmaǵynda eger Ýkraına men Reseı naqty sheshimge kelmese, áskerı qaqtyǵystardyń oryn alý múmkindigin joqqa shyǵarmaıdy. Ázige munyń sheshiletin túıini baıqalmaıdy. Sondyqtan sarapshylar tipti bıyldyń ózinde Donbass aýmaǵynda áskerı qaqtyǵys bolýy múmkin dep otyr. Reseı men Ýkraına arasyndaǵy qaqtyǵysqa resmı Vashıngton syrttan eleýsiz qarap otyra almaıdy. Bul jaǵdaı oryn ala qalsa, AQSh-qa janama túrde bolsa da áser etedi.

Atap aıtý kerek, amerıkalyq keńestiń baıandamasynda kóptegen sarapshylar Ýkraına men Reseı arasynda túıini ázir sheshilmegen arazdyqta túbinde taǵy da áskerı qaqtyǵys bolýy múmkin ekendigin joqqa shyǵarmaǵan. Mundaı jaǵdaıda AQSh óz múddesi úshin syrtqy qaqtyǵystarǵa aralasýǵa týra keletinin de jasyrmaǵan.

Rasynda da bılikke Baıden kelgennen keıin Amerıka syrtqy elderde óz múddesin kúsheıtý turǵysynda qaıtadan batyl sharalardy júzege asyrýy múmkin. Árıne bul halyqaralyq saıası jaǵdaıdy shııelenistire túsedi.

Erkin QALDAN, «Adyrna» ulttyq portaly

Pikirler