Amerikanyŋ halyqaralyq qatynastar jäne aldyn ala saqtandyru ortalyǧynyŋ sarapşylary 2021 jyly Ukraina men Resei arasynda äskeri qaqtyǧys boluy mümkın ekendıgın boljap otyr.
Amerikalyq mamandar biyl älemde boluy yqtimal otyzǧa juyq äskeri qaqtyǧystardyŋ nüktelerın atap körsetken.
Bırınşı äskeri qaqtyǧystardyŋ bolu yqtimaldyǧy öte joǧary aimaqtar, būl tıptı Amerikanyŋ müddesıne, qauıpsızdıgıne nūqsan keltıredı. Ekınşı topqa jatatyndar – qyzǧylt sary aimaqtar, būl soǧysqa itermeleitın nüktelerge jatady. Üşınşı toptaǧylar –sary aimaq, onyŋ Vaşingtonǧa asa qaupı joq.
Amerikalyq keŋestıŋ sarapşylary Donbass aumaǧynda eger Ukraina men Resei naqty şeşımge kelmese, äskeri qaqtyǧystardyŋ oryn alu mümkındıgın joqqa şyǧarmaidy. Äzıge mūnyŋ şeşıletın tüiını baiqalmaidy. Sondyqtan sarapşylar tıptı biyldyŋ özınde Donbass aumaǧynda äskeri qaqtyǧys boluy mümkın dep otyr. Resei men Ukraina arasyndaǧy qaqtyǧysqa resmi Vaşington syrttan eleusız qarap otyra almaidy. Būl jaǧdai oryn ala qalsa, AQŞ-qa janama türde bolsa da äser etedı.
Atap aitu kerek, amerikalyq keŋestıŋ baiandamasynda köptegen sarapşylar Ukraina men Resei arasynda tüiını äzır şeşılmegen arazdyqta tübınde taǧy da äskeri qaqtyǧys boluy mümkın ekendıgın joqqa şyǧarmaǧan. Mūndai jaǧdaida AQŞ öz müddesı üşın syrtqy qaqtyǧystarǧa aralasuǧa tura keletının de jasyrmaǧan.
Rasynda da bilıkke Baiden kelgennen keiın Amerika syrtqy elderde öz müddesın küşeitu tūrǧysynda qaitadan batyl şaralardy jüzege asyruy mümkın. Ärine būl halyqaralyq saiasi jaǧdaidy şiielenıstıre tüsedı.
Erkın QALDAN, «Adyrna» ūlttyq portaly
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz