M.S. Nárikbaev atyndaǵy KAZGIýÝ ýnıversıteti jáne «Medıa damytý qory» korporatıvtik qory arasynda yntymaqtastyq týraly kelisimge qol qoıyldy.
Memorandýmǵa qol qoıý rásimine «M.S. Nárikbaev atyndaǵy KAZGIýÝ ýnıversıteti» AQ Basqarma Tóraǵasy Talǵat Nárikbaev jáne «Medıa damytý qory» korporatıvtik qorynyń bas dırektory Evgenıı Kochetov qatysty.
Ýnıversıtet janynan ashylǵan MEDIA CLUB pen «Medıa damytý qory» qory birigip buqaralyq aqparat quraldary ókilderine arnalǵan is-sharalardy uıymdastyrý boıynsha josparlarymen bólisti.
«Medıa-klýb aıasynda jýrnalısterdiń quqyq, ekonomıka salaly boıynsha bilimin arttyrý maqsatynda ZAN&MEDIA kýrsyn bastadyq. Qazaqstanda salalyq jýrnalıstıkany damytýǵa nıettimiz. «Medıa damytý qorymen» memorandým aıasynda BAQ ókilderine kásibı turǵyda ósýine yqpal etetin sharalar ótkizýge daıynbyz. Jýrnalıster qaýymyna ýnıversıtet esigi árqashan ashyq, eki tarap birigip jaqsy jobalardy júzege asyramyz degen úmittemin», - dedi KAZGIýÝ Ýnıversıtetiniń tóraǵasy Talǵat Nárikbaev.
Resmı shara barysynda «Medıa damytý qory» basshysy eki jaqty kelisim BAQ ókilderin oqytýda, salanyń damýyna aıtarlyqtaı úles qosatynyn atap ótti.
«Medıa damytý qory» korporatıvtik qorynyń basty maqsaty – medıa sala mamandarynyń kásibı potenıalyn aıqyndaý jáne biliktiligin arttyrý arqyly medıa salanyń básekege qabilettiligin joǵarlatý. Al, búgin KAZGIýÝ ýnıversıtetimen jasasqan yntymaqtastyq týraly memorandýmymyz medıa salasy mamandaryn oqytýyna jáne bul salanyń damýyna ózindik úlesin alyp keledi degen senimdemiz», - deıdi Evgenıı Kochetov.
