Búgin Halyqaralyq Túrki akademııasy Nur-Sultan qalasynda Túrki memleketteri Táýelsizdiginiń 30 jyldyǵy aıasynda Ázerbaıjan baǵytyndaǵy birqatar kitaptardyń tusaýkeser sharasyn ótkizdi.
Alqaly jıynǵa Halyqaralyq Túrki akademııasynyń prezıdenti Darhan Qydyráli, Ázerbaıjan Respýblıkasynyń Qazaqstandaǵy Tótenshe jáne Ókiletti elshisi Rashad Mammadov, Qyrǵyz Respýblıkasynyń Qazaqstandaǵy Tótenshe jáne ókiletti elshisi Jeenbek Kýlýbaev, Ózbekstan Respýblıkasynyń Qazaqstan Respýblıkasyndaǵy Elshiliginiń Birinshi hatshysy Mýzaffar Ýsmanov, Ázerbaıjan Mıllı Medjlısiniń depýtaty, Mádenıet komıtetiniń tóraıymy, Ganıra Pashaeva, Qyrǵyzstannyń eks-memlekettik hatshysy Osmanakýn Ibraımov, Eýrazııa jazýshylar odaǵynyń tóraǵasy Iakýb Omeroglý, S.Seıfýllın mýzeıiniń dırektory Nesipbek Aıtuly, Qazaqstan Jazýshylar Odaǵy Nur-Sultan qalalyq fılıalynyń dırektory Dáýletkereı Kápiuly, sondaı-aq, memleket jáne qoǵam qaıratkerleri, tanymal ǵalymdar men zııaly qaýym ókilderi qatysty.
Shara barysynda Túrki akademııasy ázirlegen «Qarabaq – Ázerbaıjannyń jaýhary: tarıhy, mádenıeti, tabıǵaty», «Joǵaltqan baqytym:Qarabaqtyń shynaıy oqıǵalary» jáne «Ázerbaıjan Halyq Respýblıkasy» atty kitaptardyń tanystyrylymy ótti.
Sonymen qatar, Akademııa basshysy Darhan Qydyráli baýyrlas elder arasyndaǵy yntymaqtastyqty nyǵaıtýǵa qosqan ólsheýsiz úlesi úshin Ázerbaıjan Respýblıkasynyń Qazaqstandaǵy Tótenshe jáne Ókiletti elshisi Rashad Mammadovty Halyqaralyq Túrki akademııasynyń arnaıy medalimen marapattady.
