Elımızdegı qylmystyq-atqaru jüiesınde alǧaş ret bas bostandyǧynan aiyru oryndarynda jazasyn ötep jatqan sottalǧandar arasynda "ökınu", "bolaşaqqa hat", "menıŋ ömırımdegı baqytty kün-2020" nominasiialary boiynşa üzdık şyǧarmaǧa (äŋgıme nemese öleŋ) ädebi onlain – konkurs öttı. Būl turaly «Adyrna» ūlttyq portaly Qazaqstan Respublikasyndaǧy Adam qūqyqtary jönındegı uäkıldıŋ resmi saityna sılteme jasai otyryp habarlaidy.
Baiqau Qylmystyq – atqaru jüiesınıŋ Komitetı adam qūqyqtary jönındegı uäkıldıŋ saraptamalyq qoldauymen, Ortalyq Aziiadaǧy Halyqaralyq türme reformasynyŋ (PRI) jäne "Vnimaniye.kz" jobasynyŋ atsalysuymen ūiymdastyryldy. Bır ai ışınde 73 mekemeden qatysuǧa niet bıldırgen 490 sottalǧan adam 519 şyǧarma daiyndady.
Ärtürlı ūstau rejimındegı arnaiy kontingent konkursqa qatysty, onyŋ ışınde ömır boiy bas bostandyǧynan aiyrylǧandar men tergeu izoliatoryndaǧylarda bar.
Baiqaudyŋ taqyryby adam ömırınıŋ üş kezeŋın sipattaidy: ötkenı – "Menıŋ ömırımdegı baqytty kün", Qazırgı künı – "ökınu" jäne bolaşaǧy – "Bolaşaqqa hat". Şyǧarmalardy jazudyŋ eŋ tanymal taqyryby "ökınu" boldy.Qazylar alqasynyŋ qūramynda Qylmystyq – atqaru jüiesı Komitetı töraǧasynyŋ orynbasary Meiram Aiubaev, adam qūqyqtary jönındegı uäkıl, Ortalyq Aziiadaǧy Halyqaralyq türme reformasynyŋ (PRI) direktory, Nazarbaev Universitetınıŋ saiasattanuşylary men äleumettanuşylarymen qatar Qazaqstan Respublikasynyŋ eŋbek sıŋırgen öner qairatkerlerı Erkeş Şakeevpen pen Nartai Saudanbekūly, "Jazalardy oryndau-jazany oryndau" jurnalynyŋ şef – redaktory jäne Qylmystyq – atqaru jüiesı Komitetınıŋ otstavkadaǧy eŋbek sıŋırgen qyzmetkerı A.Qazbekova boldy. Baiqau qorytyndysy boiynşa barlyq üş nominasiia boiynşa jüldelı oryndar berıldı. Bırınşı oryn alǧan ekı qatysuşy 50 myŋ teŋge, al ekınşı oryn alǧandar 30 myŋ teŋgeden sertifikat aldy. Üşınşı oryn alǧan ekı sottaluşyǧa 12 "Tarlan" kartochkasyna sertifikattar jäne Komitet tarapynan yntalandyru syilyqtary berıldı. Būdan basqa, Aqtöbe, Qaraǧandy, Aqmola jäne Qostanai oblystarynyŋ sottalǧandaryna negızgı nagradadan basqa nominaly aiyna 1000 bırlık Eko Tarlan kartasyna jyldyq jazylu türınde bes arnaiy syilyq tabystaldy. Alynǧan qarajat sottalǧandardyŋ depozittık şottaryna jıberıldı. Jaŋa jyl qarsaŋynda jeŋımpazdar jaqyndaryna syilyq retınde aqşa jıbere alady, sondai-aq mekemenıŋ dükenınen tauarlar satyp ala alady. Sondai-aq bolaşaqta sottalǧandardyŋ eŋbekterınıŋ jinaǧyn şyǧaru josparlanuda.
"Adyrna" ūlttyq portaly
Foto aşyq derekközden alyndy
Ūqsas jaŋalyqtar
