Almatyda anasyn óltirdi degen kúdikpen 15 jasar bala qamaýǵa alyndy, dep habarlaıdy «Adyrna» tilshisi «KTK» telearnasyna silteme jasap.
Jasóspirim janjal kezinde anasyn pyshaqtap, kóshege jalańaıaq shyǵyp ketken. Jantúrshigerlik qylmys bolǵan úıdiń turǵyndary qatty shoshyp qalǵan.
«Balany bir-eki ret qana kórgem. Qaıtys bolǵan kelinshekti jaqsy tanımyn. Óte aqjarqyn adam bolatyn. Bizdiń podezdiń belsendisi edi. Men eshteńe estigen joqpyn. Tańerteń tynysh boldy. Polıııa kelgen soń ǵana qylmys jasalǵanyn bildik. Turǵyndardyń bári qorqyp qalǵan»,-dedi kórshisi Evgenıı Vasılev.
Qandy qylmys tańǵy saǵat bes shamasynda kópqabatty úıde bolǵan. Kórshileri bul otbasynyń buryn-sońdy urysqanyn estimedik dep otyr. Olardyń aıtýynsha, aýrýhanaǵa jetpeı jan tapsyrǵan jalǵyzbasty áıel zańbuzýshylyqqa qarsy shyǵyp, belsendiligimen jıi kózge túsken. Al anasyna birneshe jerden pyshaq suqqan soń kámeletke tolmaǵan bala dalada jalańaıaq arly-berli júripti. Qystyń kózi qyraýda qar ústimen aıaq kıimsiz júrgen jasóspirimniń oǵash qylyǵyn kórgen turǵyndar birden tártip saqshylaryn shaqyrtqan. Polıııa oqıǵa ornyna jetip, bozbalanyń qylmys jasaǵany belgili bolǵan. Kúdikti birden quryqtalyp, qaıǵyly oqıǵaǵa qatysty qylmystyq is qozǵaldy.
«Qazir QK-tiń 99-baby, 1-tarmaǵymen qylmystyq is qozǵalyp, tıisti tergeý júrgizilýde. Bul tergeý áreketterine mindetti túrde psıholog mamandar qatysýda. Aldyn ala boljam boıynsha, bul balada júıke aýytqýy bolýy múmkin. Biraq ony naqty sot-psıhıatrııalyq saraptama anyqtaıdy»,-dep málimdedi Almaty qalalyq PD resmı ókili Saltanat Ázirbek.
«Adyrna» ulttyq portaly
