Pavlodar oblysynda 18 adamdy úsik shaldy, dep habarlaıdy «Adyrna» tilshisi «Astana TV»-ge silteme jasap.
Aıaq-qoly úsip qalǵandar arasynda náresteler de bar. Ekibastuzdaǵy Solnechnyı kentinde 1 jastaǵy qyz bala saýsaǵy úsip aýrýhanaǵa túsken.
«2019 jylǵy qyz bala jaıyn naqtyraq aıtyp ketetin bolsaq, ol keshki ýaqytta saǵat 22.00-de anasymen dalaǵa shyǵyp serýendegen. Qyz balanyń jaǵdaıy jaqsy. Qazir barlyq em sharalaryn alyp jatyr»,-dedi oblystyq densaýlyq saqtaý basqarmasynyń baspasóz hatshysy Elmıra TEMIRǴALIEVA.
Oblys ortalyǵy - Pavlodarda da úsik shalǵandar az emes. Jańa jyl kirgeli beri 11 adam aýrýhanaǵa túsipti. Deni aıaq-qoly úsigender. Kún raıy qolaısyzdyǵyna baılanysty aımaqta kúre joldar jabyldy. Alaıda eskertýlerge qaramastan jolǵa shyǵyp, kóligi synyp jatqandar az emes.
Osy kúnde Pavlodar óńirinde aýanyń temperatýrasy 40 gradýstan tómen. Dızel otynymen júretin kólikterge jáne qoǵamdyq kólikterge alys jolǵa shyǵýǵa tıym salyndy. Polıııa departamenti keltirgen derekterge qaraǵanda, janar maıy qatyp qalatyn júk kólikteri kóbeıgen. Shyǵys Qazaqstan oblysynda, jolda qalyp qoıǵan 15 adam qutqarylypty.
«Adyrna» ulttyq portaly
