Belgili jýrnalıst Perızat Myrzahmet óziniń Instagram paraqshasynda ánshi Dımash Qudaıbergenge arnap jazba qaldyrdy dep jazady «Adyrna» ulttyq portaly. Jýrnalıstiń jazbasynan túsingenimiz, Dımash reseılik aqparat quraldaryna suhbat berý barysynda usaq dúnıelerdi sóz etip, Qazaqstanda kimge ókpeli ekenin aıtqan.
Tómende Jýrnalıst Perızat Myrzahmettiń jazbasyn ózgerissiz nazarlaryńyzǵa usynyp otyrmyz. «Eh, Dımash... @kudaibergenov.dimash Sen Baǵym men Rınatta ketken ókpeńdi aıtamyn dep tutas eldi tize búktirdiń ǵoı. Asúıde aıtatyn renishińdi atasy basqa, maqsaty basqanyń aldynda jyrlaǵanyń qaı sasqanyń? Baskov pen Lazarev, Malahov jany ashyp aıtty dep arqańnyń qyshýy qandy ma? Áli balasyń, bala bolǵan soń shalasyń.
Qytaıdyń tórinde «Samaltaýdy» aıtqan balanyń basy bar shyǵar dep sendim. Sóıtsem sengen qoıym kebek bergenniń úıine qarap kúısep júr eken ǵoı.
40 jyl buryn bolǵan «Saz álemi», óziń aıtqandaı 17 jasyńda bolǵan eski boqta Baǵym Muhıtdınova 100% durys aıtty. Daýys qabiletiń men arzanqol án eki jaqta laǵyp jatty. Qulaǵy bardyń bári estidi. Ol kezde sende ne tájirıbe, ne senim, ne qoldaý joq edi. Qudaıdyń bergen talantyna senip shyǵyp ediń sahnaǵa. Shıki ediń. Ras, Rınat Zaıytov ezdi. «Qatyndaýysty erkek» dep óziniń seksıstik bıiginen aıtty. Onymyzdy qatelik dep moıyndadyq. Sen áli ókpelisiń.
Qytaıǵa barǵan Dımash basqa Dımash. Jumys istegen, daıyndalǵan, bálenbaı mamannyń kómegimen stıli men mánerin ózgertken, tolysqan ánshi boldyń. Álem seni solaı tanydy. «Saz álemindegi» shıki kúıińmen barsań, sol kezdegi ánderińdi aıtsań, ıtshe talap, mazaqqa aınaldyrar edi... Másele seniń talantyńdy tanymaǵan qazaqta emes, elimizdi shiritip jatqan jemqorlyqta edi. Seni súıkimdi shyǵarar stılıst pen vokalıster bizde de bar, alaıda olarda ondaı qarjy men ýaqyt joq. Óz qotyrlaryn ózderi qasyp júrgen jandar.
Qaısybirin aıtaıyn... Tań atpaı adamdy jylatyp qoıdyń ǵoı. Jerimizge kózin alartyp, «kókeligimdi tanytam, tizemdi batyram» dep otyrǵan elge baryp basyńdy ıip keldiń. «Sol synnyń arqasynda óstim, enesi tepken qulynnyń eti kógermeıdi» dep Baǵymdy emes, elińdi qorǵasań azamat bolar ediń. Biraq sen áli ókpeniń óleńin aıtyp júrgen balasyń.
Maǵan daırekte negelep jatqandar, shynymen túsinbeısińder me? Shynymen oılanbaısyńdar ma? Shynymen sonsha taıazsyńdar ma?»
Foto ashyq derekkózden alyndy.
