Ótkende túrik jastary "Qazaqstan jalǵyz emes" degen fleshmob uıymdastyryp bizge qoldaýyn kórsetip jatyr, izgi nıetteri úshin olarǵa úlken alǵys árıne. Ol biz úshin úlken demeý bop qaldy.
Iýtýbte júrgen sol rolıktiń kórilimi 200 myńnan asypty.
Endi keshe sol rolıktiń astyndaǵy pikirlerdi oqyp otyrsam oryssha kommentter byqyp júr eken...
Qudaı biledi, sony jazyp otyrǵan ózimizdiń qaragóz qazaqtar.
Jalpy, túrki halyqtary bizdi syılasa "ortaq atajurttaǵy shańyraqtaǵy tilin, dilin, salt - dástúrin saqtap otyrǵan baýyrlarymyz" dep qana syılaıdy.
Menińshe bizge osyny túsiný kerek sııaqty.
Áıtpese olarǵa túri ǵana qazaq, ózi orystildi, orysdildi halyqty baýyrǵa tartyp aǵaıyn bolýdyń kóktıynǵa da qajeti joq.
Men Altaı taýynyń mańyn mekendegen Reseıdegi bizge baýyrlas túrki halyqtarynyń qatty orystanyp ketkenin bilemin. Olar óz tarıhyn da orystyń kózimen oqıdy.
Áli kúnge sheıin ekinshi dúnıejúzilik soǵysta orys úshin qansha batyry soǵysyp jan bergenin, qan bergenin maqtan tutady.
Oryssha sóıleıtindigin dáreje kóredi. Sóz arasynda orys klassıkterinen úzindi keltirip, bilimdiligin baıqatyp tyrashtanyp jatady. Sony ózderi mádenıettiń shyńy dep biledi.
Bir sózben aıtsaq, Sibirdegi túrki halyqtary orysshyl, ıdeologııalyq turǵyda shatasqan maqtabas halyqtar.
Menińshe, biz de solardan pálendeı alys ketken joqpyz.
Biz táýelsiz túrki elderiniń, azat túrki halyqtarynyń arasyndaǵy eń orysshyl halyqpyz. Sony bilemin.
Sony túsinip, sońǵy kezde ózge túrik halyqtarynyń arasynda aqtalyp, qatty uıalatyn bop júrmin.
