Eshkim qaıtalaýǵa tıis emes rekordtar

1297

Adam balasy ártúrli. Atyn shyǵarý úshin «jer órteıtinder» bar. Biraq másele  mynada: mundaı áreketter aldymen adamnyń ózine, aınalasyna, qorshaǵan ortaǵa zııanyn tıgizbeýi tıis.

Biraq atyn shyǵaryp, erjúrektigimen Gınnestiń «Rekordtar kitabyna» atyn qaldyryp jatatyndar raz emes. Mysaly, Qytaıdyń turǵyny Jýan Lıan Mındi eshqashan aralar shaqpaıdy eken. Oǵan qatysty myna bir oqıǵany eske alsaq ta jetkilikti. Qorǵanysh kostıýmin kıgen assısentter onyń ústine birneshe korzınaǵa toly aralardy jibergen. Aralardyń salmaǵy shamamen 63,5 keli tartqan. Ústi-basyna ara jabysqan qytaılyq jigit qozǵalmaı birneshe saǵat turǵan. Mamandardyń aıtýyna qaraǵanda, eger osynshama aralar Jýan Lıan Mındi shaǵatyn bolsa, ol denesine 3 myńnan asa «ý» alyp, ony kótere almaı ólip ketetin edi. Qýanyshqa oraı, qytaılyq jigitti aralar shaqpaıdy eken.

Sondaı-aq Taıland turǵyny Kanchaný Ketkeoý ýly shaıandardan qoryqpaıdy. Ol 33 kún boıy 3,4 myńnan astam shaıandarmen birge turǵan. Júrek jutqan qyz sonymen qatar, ýly shaıandy 3,5 mınýt boıy aýzynda ustaǵan.

Bul ǵana emes, Tehas turǵyny Djekı Bobbı vannada 45 mınýt boıy 195 ýly jylanmen otyrǵan. Ol óziniń ýly jylandarymen búkil AQSh-ty sharlap, gastroldik saparda júretin bolǵan. Biraq qandaı da bir oqys jaǵdaı qaıtalanbaǵan. Al munyń sebebi nede? Bıbbıdiń aıtýyna qaraǵanda, ýly jylanmen vannada otyrǵanda esh qozǵalmaýyń kerek. Eger sál qozǵalsań bitti, shaǵyp alady, sóıtip ómirmen qoshtasasyń. Biraq Djekı Bobbı ómirinde bir ret qıyn jaǵdaı oryn alǵanyn da jasyrmaıdy. Ony bir gastrolde ýly jylan shaǵyp alǵan. Aqyrynda jaǵdaı qıynǵa aınalyp, dárigerler onyń bir aıaǵyn tizesinen tómen kesip tastaýǵa májbúr bolǵan. Qazir ol protezben júredi.

Zaporojedegi shaǵyn zooparktiń ıesi Aleksandr Pyloshenko eki jolbaryspen  torda 36 kúnin ótkizgen. Munyń sebebi nede? Ol osy áreketi arqyly  jurtshylyqtyń nazaryn aýdaryp, tordaǵy haıýanattaryna tamaq pen qarjy jınaǵan kórinedi.

Ońtústik Afrıkanyń Botsvan qalasyndaǵy Okavango ózeninde uzyndyǵy 4 metr bolatyn qaýipti qoltyraýyndarmen birge júzýge bolady. Ol úshin siz aldymen 5,5 myń evro tóleýińiz kerek jáne ózenge túser aldynda «bul sharany uıymdastyrýshylarǵa eshqandaı kiná artpaımyn» dep qolhat jazýyńyz qajet.

Mine adamdar ózderiniń basyn tigip, qanshama qaýip-qaterge barady. Biraq atyńdy shyǵaryp, muny qaıtalaýdyń esh qajeti joq. Bul adam balasy qaıtalaýǵa tıis emes rekordtar. Sondyqtan saqtyqta qorlyq joq, tynysh júrgenge ne jetsin?!.

Erkin QALDAN,

«Adyrna» ulttyq portaly.

Pikirler
Redakııa tańdaýy