Qazaqstandyqtar balkonǵa Memlekettik týdy ilip, tyń chellendjge ún qosyp jatyr

2186
Adyrna.kz Telegram

Qazaqstandyqtar ultymyzdyń ulyq merekesi – Táýelsizdik kúnin atap ótýde. Bir oblysta avtokólikterdiń sherýi uıymdastyrylsa, basqa óńirlerde otandastarymyz Týdy balkonǵa ilip, jańa chellendj bastady, dep habarlaıdy QazAqparat tilshisi. «Qurmetti dostar! Qazaqstan Táýelsizdigi kúni qutty bolsyn. Elimizdiń eń qasterli meıramy qarsańynda Oslo tórine kók baıraǵymyzdy ilip qoıdym! Táýelsiz Qazaqstan jasaı bersin! Áleýmettik jelini jylyna bir kún osyndaı kók sary túske endirip, Kók týymyzdy jelbireteıik! Qurmetti, dostar osy chelendjge barshańyzdy shaqyramyn!» - dep jazdy tanymal jýrnalıst Bıbigúl Jeksenbaı.

Chellendj kesheden beri birqatar óńirde qoldaý taýyp otyr. Sonyń ishinde Qostanaı oblysynyń halqy bıik turǵyn úılerdiń balkondaryna Kók baıraǵymyzdy ilip, ulyq merekege qurmetin bildirýde. Pavlodar oblysynyń kóshelerindegi bannerlerde de Týymyz kóptep beınelengen. Memlekettik tý Óskemendegi Nursultan Nazarbaev kóshesiniń Ýshanov alańy boıyndaǵy úılerdiń balkondaryna ilingen. Jalpy Óskemendegi Botpaı shyńynda qaladaǵy eń úlken Týdyń ilingen atap ótý kerek.

Osylaısha «Meniń Týym, Meniń Otanym» akııasyna Qazaqstannyń barlyq derlik óńiri ún qosyp jatyr. Aıta keterligi, Memlekettik týdy paıdalaný aıasyn keńeıtýdi qazaqstandyqtardyń ózderi usynǵan edi. Bul ıdeıany Memleket basshysy Qasym-Jomart Toqaev qoldap, memlekettik rámizderdi paıdalaný qaǵıdalaryn qaıta qaraýdy tapsyrǵan edi. Al osy aıdyń basynda QR Premer-Mınıstri Memlekettik týdy úılerdiń qasbetine, balkondarǵa ilýge ruqsat beretin Qaýlyǵa qol qoıǵan bolatyn.

Pikirler