Ei, jemqor-paraqor bilık! Esuas nikonovtar men putinderge jauap beru üşın qazaqty oŋtüstıkten soltüstıkke köşırudıŋ demografiialyq jobasyn Reseiden jasyrmai, aşyq saiasatqa köşu kerek! Eŋ bastysy - būl baǧdarlamaǧa bölınetın qarjyny eselep arttyryp, ony talan-tarajǧa saludy toqtatu qajet! Memleketke qaitarylǧan, igerılmei jatqan jerdı agrofirmalarǧa emes, jeke köşıp keluşı otbasylarǧa eşqandai auksionsyz bölıp beru qajet. 1000 gektar jerdı ielenetın bır agrofirmanyŋ ornyna, 100 otbasyǧa bölıp beru - soltüstıkke qazaqty jappai qonystandyru jobasyn jüzege asyrudyŋ eŋ tiımdı joly bolsa kerek (basqa da äleumettık-tūrmystyq jeŋıldıkterden tys).
Ekınşıden, ūlt patriottary jiı köterıp jürgen Euroaziialyq ekonomikalyq odaqtan şyǧudyŋ qoǧamdyq bastamasyn astyrtyn qoldau jobasyn jasau qajet. Reseilık imperiialyq-şovinistık ozbyrlyqqa qarsy qazaq jıgıtterı ötkızetın mitingıler men saiasi aksiialardy qudalaudy toqtatu kerek. Elde jappai narazylyq aksiiasyn ötkızuge ymyraşyl ökımettık yqpal jasaǧan abzal bolady!
Üşınşıden, Türkı elderı qauymdastyǧyn (odaǧyn) qūru jönındegı qoǧamdyq bastamany memlekettık saiasattyŋ deŋgeiıne kötergen jön. Tanymal tūlǧalardy tartu arqyly "Bıregei türkı älemı" qauymdastyǧyn qūrudyŋ, ony qaltarys qarjylandyrudyŋ qoryn qūru kerek (Reseidegı "Derjava" qoryna ūqsas. Ol üşın "Derjavanyŋ" qūryluy men jūmysyna mūryndyq bolǧan Konstantin Zatulin siiaqty bılımdar, ūltşyl, otanşyl, memleketşıl qazaq jıgıtın sol qauymdastyqqa jetekşı etu kerek).
Törtınşıden, öte qysqa merzımdık jäne juyq aradaǧy antireseilık jospardy jüzege asyru üşın, Astana men Türkıstan qūrylys jobalaryna bölıngen qyruar qarjy esebınen Türkiianyŋ bır-ekı "Bairaqtar" drondyq kompleksın satyp alyp, türık ofiserlerınıŋ qatysuymen şūǧyl türde "Severnyi şit" äskeri-taktikalyq jattyǧuyn ötkızu kerek. Ony TVlar men äleumettık jelıler arqyly keŋınen nasihattau (jarnamalau) qajet.
Basqa qandai ūsynystar aitasyz?
PS.Boldy! Reseidıŋ şamyna tiıp almaiyq dep, "köttı qysyp"))) jüretın būralqy saiasattyŋ şeŋberınen şyǧa bastau kerek. "Būǧa berseŋ, sūǧa beredınıŋ" kebı kelgenıne äbden köz jettı. Endı (äzırge) qoǧamdyq bastamalar arqyly azu körsetetın kez keldı! Reseige qatysty būdan arǧy saldaqy saiasat Qazaqstannyŋ territoriialyq tūtastyǧyna ǧana emes, memlekettıŋ täuelsızdıgıne katastrofalyq qater töndıredı!
Ermūrat BAPİ.
Jazba avtordyŋ Facebook paraqşasynan alyndy.
