Almatyda Alash arystaryna arnalǵan eskertkish ashyldy. «Aq jol» parııasynyń qoldaýmen qalanyń qaq tórinen bıiktigi 7, al dıametri 4 metrge jýyq monýment boı kóterdi. Saltanatty rásimge qoǵam belsendileri, tarıhshylar, jazýshylar jáne alash qaıratkerleriniń urpaqtary qatysty. Jıynda sóz alǵan «Aq jol» partııasynyń tóraǵasy Azat Perýashev alash murasyn zertteý jáne osyndaı bastamalarǵa qoldaý tanytý saıası uıymnyń negizgi baǵyty bolyp qala beretinin aıtty.
-"Memlekettigi joq halyq jetim ári jetekshil halyq». Álıhan Bókeıhanovtar armandaǵan táýelsizdikke urpaqtarynyń qoly jetip, birer kúnnen keıin onyń 30 jyldyǵyn atap ótkeli otyr. Osy mereke qarsańynda Almaty tórinde Alash arystaryna arnalǵan eskertkish ashyldy. Bul qoǵam belsendileriniń jáne ult janashyrlarynyń, qala berdi búkil qazaq halqynyń kópten bergi armany edi. Aqyry alash qaıratkerleri aldyndaǵy bir boryshymyzdy oryndadyq - deıdi jobanyń basy-qasynda júrgen «Aq jol» partııasynyń ókilderi.
Saltanatty ashylý barysynda Alash arystaryna qatysty tyń málimetter aıtyldy jáne bul baǵyttaǵy jumystardy jandandyrý kerek.
Óıtkeni, 100 jyldan asa ýaqyt ótse de ol áli tolyq zerttelip bitken joq.
Osy maqsatta «Aq jol» partııasy ártúrli bastama kóterip keledi.
12-shi jeltoqsan – Alashorda úkimetiniń qurylǵan kúni. Eskertkishtiń ashylý rásimi osy dataǵa oraı uıymdastyryldy. «Monýmenttegi úsh qanat - úsh júzimizdi, al, onyń tóbesindegi shańyraq bir memleketke birikkenimizdi bildiredi» dedi onyń avtory Beısenǵazy Sádýuly.
Aldaǵy ýaqytta Alash zııalylarynyń esimderi mektepterge, ýnıversıtetterge, tipti, qalalarǵa berilse degen usynystar aıtyldy. Saltanatty shara barysynda ult azattyǵy jolynda qurban bolǵan ata-babalar rýhyna quran baǵyshtaldy.
«Aq jol» partııasynyń
Almaty qalalyq fılıaly.
Maqalanyń aqysy "Aq jol" demokratııalyq
partııasy saılaý qorynyń qarajatynan tólendi.
