Joǵary Eýrazııalyq ekonomıkalyq keńestiń qurmetti tóraǵasy Nursultan Nazarbaev bıyl Belarýs pen Armenııada bolǵan oqıǵalar týraly oıyn aıtty, - dep habarlaıdy «Adyrna» ulttyq portaly Tengrinews.kz tilshisine silteme jasap.
Qazaqstannyń Tuńǵysh Prezıdenti Joǵary Eýrazııalyq ekonomıkalyq keńes otyrysyna qatysýshylarǵa shaqyrǵany úshin alǵys aıtty.
"Bul jyl jaǵymsyz oqıǵalarǵa toly boldy, onyń ishinde pandemııa, ekonomıkalyq daǵdarys, Belarýste ótken saılaý, Armenııada bolǵan oqıǵalar. Biz osynyń bárin baqylap, birge ýaıymdadyq. Bul artta qalady dep úmittenemin. Pandemııanyń ózi daǵdarys kezinde memlekettiń mańyzdy rólin taǵy da kórsetti.
Memlekettik retteýdiń jedel sharalarynyń arqasynda biz pandemııa damýynyń jaǵymsyz senarıılerinen aýlaq bola aldyq. Tek memlekettik qoldaý ǵana azyq-túlik, dári-dármek jáne basqa da áleýmettik mańyzy bar ónimderdiń ishki naryqtarynda turaqtylyqty qamtamasyz etti. EAEO-ǵa múshe memleketter kooperaııasynyń sheńberinde ózara gýmanıtarlyq kómek almasýdyń joǵary deńgeıin atap ótemin", - dedi Elbasy.
