Qazaqstanda sybaılas jemqorlyq qylmysyn jasaǵan adamdy kvazımemlekettik sektor sýbektilerine jumysqa ornalastyrýǵa tyıym salynbaq. Bul týraly QR Sybaılas jemqorlyqqa qarsy is-qımyl agenttigi tóraǵasynyń keńesshisi Anar Jarova aıtty, dep habarlaıdy «Adyrna» ulttyq portaly QazAqparat tilshisine silteme jasap.
«Kvazımemlekettik sektorda memlekettiń eleýli aqsha aǵyndary men aktıvteri shoǵyrlanǵan, sondyqtan bul jerde sybaılas jemqorlyq kórinisteriniń aldyn alý máseleleri Antıkordyń jiti nazarynda. Bıyldyń basynan beri sybaılas jemqorlyq qylmystaryn jasaǵany úshin kvazımemlekettik sektordyń 83 laýazymdy tulǵasy anyqtaldy. Onyń ishinde 51-i ártúrli dárejedegi basshylar (20-sy respýblıkalyq, 21-i oblystyq, 10-y qalalyq jáne aýdandyq deńgeıdegi). Osy jyldyń qańtar aıynan bastap memlekettiń kez kelgen qatysý úlesi bar kvazımemlekettik sektordyń laýazymdy tulǵalary sybaılas jemqorlyq sýbektilerine jatqyzylǵanyn atap ótken jón.
Tıisti ózgerister Qylmystyq kodekske engizildi», - dedi A. Jarova onlaın brıfıngide. Aıta keteıik, eger buryn qatysý úlesi 50 paıyz jáne odan joǵary kompanııalar ǵana sybaılas jemqorlyq sýbektileri bolsa, qazir onyń aýqymy aıtarlyqtaı keńeıdi. Iaǵnı, kompanııada memlekettiń qatysýynyń 1 paıyzy bolsa da, mundaı kompanııalardyń laýazymdy adamdary sybaılas jemqorlyq baptary boıynsha jaýapqa tartylatyn bolady.
«Sybaılas jemqorlyqqa qarsy is-qımyl týraly» Zańǵa sáıkes memlekettiń kez kelgen qatysý úlesi bar kompanııalarda uıymdastyrýshylyq-ókimdik jáne ákimshilik-sharýashylyq fýnkııalary bar adamdar osyndaı laýazymdy adamdardyń qataryna jatady. Jaqynda bul sanatqa bıýdjetten jáne Ulttyq qordan qarjylandyrylatyn jobalardy iske asyrýǵa jáne satyp alýǵa jaýapty kvazımemlekettik sektor sýbektilerindegi qurylymdyq bólimshelerdiń basshylary da kirdi.
«Aıyppul, shekteý nemese bas bostandyǵynan aıyrý túrindegi negizgi jazadan basqa, múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrý túrindegi qosymsha jaza taǵaıyndalatyn bolady. Kvazımemlekettik sektordaǵy sybaılas jemqorlyq úshin jaýapkershilikti kúsheıtetin taǵy da birqatar túzetýler qazir Parlamentte qaralýda», - dedi A. Jarova. Onyń sózine qaraǵanda, Eńbek kodeksine sybaılas jemqorlyq qylmys jasaǵan adamdy kvazımemlekettik sektor sýbektilerine jumysqa ornalastyrýǵa tyıym salý bóliginde túzetýler engizý eskerilip otyr. Qoldanystaǵy zańnamaǵa sáıkes, mundaı shekteý basqarýshylyq fýnkııalardy oryndaýmen baılanysty laýazymdarǵa túsýge ǵana qatysty.
