Almaty qalasynyń qaq ortasynda, Saryarqa saıabaǵynda bir kezderi óz ıdeologııalary úshin qazaqty barynsha qanaǵan, meılinshe paıdalanǵysy kelgen Kalının, Lenın, Stalın, Frýnze, Vınogradov syndy KSRO jandaıshaptarynyń izi osy kúnge deıin nege tur?
70 jylǵa jýyq jarty álemge ámirin júrgizgen Odaq qulap, kúl-talqan boldy. Odan beri 30 jyl ótti. Odaqtyń soıylyn soqqandardyń músini nege qulamaıdy?
Bul kisilerdiń músini Almatynyń qaq tórinde turýy bizge syn! Ári-beriden soń, ulttyq qundylyqtarǵa kereǵar, ulttyq ıdeologııanyń damýyn báseńdetedi. Saıabaqta seıil quryp júrgen óskeleń urpaq osy bir eskertkish músinderdi kórip, atam eken, babam eken demesine kim kepil?! Bulardyń ornyna Álıhan Bókeıhan bastaǵan Alash Arystarynyń músini turýǵa ábden laıyqty.
Qurmetti Baqytjan Ábdiruly, jastardyń namysyna tıgen eskertkish músinderdi alyp tastaýyńyzdy talap etemiz! Biz qazaqtyń namysy taptalýyna jol bermeımiz!
«Namys» qozǵalysynyń jastary bastaǵan bul sharany barsha qazaqstandyqtar qoldaıdy dep úmittenemin. Bir ǵana Almaty emes, Qazaqstannyń ár túkpirinde osyndaı eskertkishter men kóshe, aýyl, aýdan, qala attary bar.
Osy ýaqytqa deıin ózgeriske sendik, endi ózgermegendi ózgertý bizge artylǵan amanat. Namysty qoldan bermeıik!
