Saıasatker Ámirjan Qosanov Facebook jelisindegi resmı paraqshasynda Qasym-Jomart Toqaevtyń alǵashqy saıası jeńilisi týraly jazdy, dep habarlaıdy «Adyrna» ulttyq portaly.
«Men reformatormyn», - dep shetel gazetterine málimdegen jáne prezıdent saılaýy aldynda (jáne odan keıin) saıası reformalardyń qajettiligi týraly aıtqan prezıdentimiz alǵashqy saıası jeńiliske ushyrady. Onyń mánisi mynada: Toqaev bolashaqta óz reformalaryn ıdeıalyq jáne praktıkalyq jaǵynan qoldaı alatyn parlament qura almady»,-dedi ol.
Saıasatkerdiń aıtýynsha , qoǵam memleket basshysynyń rıtorıkasyna senip qalǵan-dy.
«Ne degenmen Toqaevtyń rıtorıkasyna senip qalǵan progressıvti qaýym «osy oıy durys bolsa, onda parlament saılaýyna demokratııalyq kúshter qatysyp, «Nurotandy» jeńbese de, sonda ene alady, sóıtip, elde shynaıy saıası reformalar bastalady» dep úmittengen edi. Shynymdy aıtsam, ózim de solaı oıladym. Óıtkeni ózim qatysqan prezıdent saılaýynan keıin elde bılikke narazy ıdeıalar naqty sıpatqa ıe bolyp, keń qanat jaıyp, bılik sanasatyndaı qubylysqa (qozǵalys ne partııa deı almaımyn) bop qalyptasa bastap edi. Aqyrynda ne boldy? «Reformator bolamyn» degen Toqaev eski ádis-tásilderden bas tartqysy kelmeıtin retrograd, kertartpa kúshterdiń yqpalynan shyǵa almaı qaldy. Nátıjesinde regressıvti kúshter jeńip shyqty da, parlament saılaýy qýyrshaqtardyń qoıylymy bop qaldy.
Toqaev myrza bir nárseni túsinýi kerek. Bul soraqy saılaýdy el «Nazarbaevtyń ne Baıbektiń saılaýy» demeıdi, «Toqaevtyń saılaýy» dep ataıdy. Osy kúlkili parlament saılaýymen Toqaev tarıhta qalady.
Kim biledi, bálkim, Aqordadan tys bıliktegi kúshter dál osylaı Toqaevtyń reformatorlyq ımıdjine soıqan soqqy bergisi kelgen de shyǵar. Olaı bolsa, bul ekinshi prezıdenttiń taktıkalyq emes, strategııalyq qatesi boldy dep sanaımyn. Áıtpese, el ishinde entrıstik sıpattaǵy demokratııalyq kúshter bar edi ǵoı. Máselen, ulttyq-demokratııalyq kúshter. Olar Táýelsizdik alǵannan beri saıası alańda júr. Olar bılikke júıeli túrde qarsy. Olar da oppozıııa. Biraq, radıkal men bitispes kushterden aıyrmashylyǵy sol - olar zań aıasynda áreket jasap keledi. Olar konıýnktýralyq saıası maqsattardan góri el Táýelsizdigin, memlekettik tutastyǵyn, ult múddesin joǵary qoıady. Sol kúshter ókilderi parlamentke engende, eldiń saılaýǵa degen iltıpaty basqasha bolar edi. Biraq bolar is boldy.
Sondaı-aq, Qosanov 10 qańtarmen saıası ómir bitpeıtinin jetkizdi.
«Qoǵamdaǵy broýndyq qozǵalys tolastamaıdy. Kerisinshe, qoǵamdyq-saıası ómir jandana túsedi. Óıtkeni menińshe, bılik ázirshe «prezıdenttik saılaýdan keıin ǵalamat kúshke ıe bolǵan halyqtyq naryzylyqty parlamenttik saılaýda qalaısha báseńdetemiz?» degen taktıkalyq oı tóńireginde ǵana bas qatyryp jatyr. Sonyń qarsańynda nebir popýlıstik, oryndalýy ekitalaı ýádelerdi úıip-tógip, saılaýshylardyń «qulaǵyna ilip jatyr». Basqa nárseni oılaýǵa bıliktiń qazir shamasy joq. Saıası strategııa degen múldem umyt qalǵan sııaqty!
Mine, saılaýdan keıingi kezeń Toqaev quryp jatqan «jańa» júıe úshin eń myqty synı shaq bolmaq.
Sol kezde búgingi radıkaldar emes, oppozıııa bola otyryp, memleket pen ult múddesin umytpaıtyn, bilimdi, baısaldy, parasatty, bir mezettik ne bir taqyryptyq haıpqa urynbaıtyn, tereńnen oılaıtyn, saıasattaný termınimen aıtqanda, revolıýııany emes, evolıýııany qalaıtyn entrıstik kúshter kimdi qoldamaq? Menińshe, parlament saılaýynan keıingi basty bir suraqtyń biri osy bolmaq»,-dep sózin qorytyndylady ol.
«Adyrna» ulttyq portaly
