AQSh. Amerıkada aqpannyń úshinshi dúısenbisi demalys kúni. Bul kúni elde Prezıdent kúnin atap ótedi. Bul mereke 1880 jyly AQSh-tyń alǵashqy prezıdenti Djordj Vashıngtonnyń qurmetine belgilendi.
Vashıngton 22 aqpanda dúnıege kelgendikten alǵash amerıkalyqtar merekeni osy kúni atap ótip júrdi. 70-shi jyldardyń basyna deıin mereke aqpannyń úshinshi dúısenbisi emes, dál osy kúnge baılanysty boldy. Alaıda, prezıdent Nıkson demalys kúnin aqpannyń úshinshi dúısenbisine aýystyrýdy jáne bul kúni Vashıngtondy ǵana emes, AQSh-tyń 16-prezıdenti Avraam Lınkolndi de qurmetteýdi usyndy.
Prezıdent kúni Vashıngtondaǵy murajaı-úıinde kostıýmder shoýy ótip, halyqqa onyń súıikti asy – bal men maı qosylǵan júgeri torttary usynylady.
Ulybrıtanııa. Korolevanyń týǵan kúnin Ulybrıtanııa 8 maýsymda atap ótedi. Brıtan monarh Elızaveta II sáýir aıynda dúnıege kelgen, biraq dástúr boıynsha Ulybrıtanııada bul mereke maýsymnyń ekinshi senbisinde toılanady. Bul ádet-ǵurypty Edvard VII ornatqan. Patshanyń aıtýynsha, bul kúni aýa raıy da merekeni buza almaıdy.
Elızaveta II resmı túrde taǵy 15 memlekettiń hanshaıymy ekenin eskerýimiz de kerek. Olardyń qatarynda: Avstralııa, Kanada, Jańa Zelandııa, Solomon araldary, Iamaıka bar. Alaıda, atalǵan elderdiń birqatarynda ózderiniń «Patshaıym kúni» toılanady.
Mysaly, Kanadada bul mereke Vıktorııa patshaıymǵa arnalǵan, olar bul kúndi 24 mamyrǵa jaqyn, dúısenbi kúni toılaıdy. Avstralııada ol maýsymnyń ekinshi dúısenbisinde atap ótiledi, bul kún shańǵy maýsymy bastalǵan ýaqytqa sáıkes keledi. Jańa Zelandııada Patshaıym kúni shańǵy maýsymy bastalǵan ýaqytqa sáıkes keledi jáne maýsymnyń birinshi dúısenbisinde atap ótiledi.
Islandııa. Islandııa prezıdent kúnin 14 mamyrda atap ótedi. Mereke eldiń besinshi prezıdenti Olavýr Ragnar Grımssonnyń týǵan kúnine oraılastyrylǵan. Bul kúni Islandııada memlekettik jalaýlar kóterilip, túrli sharalar uıymdastyrylady. Grımsson 1996 jyly bılikke keldi jáne áli kúnge deıin osy laýazymyn saqtap keledi. Sońǵy saılaý 2012 jyly ótken bolatyn.
Gollandııa. Sáýirdiń sońynda – 30 nemese 29-nda Gollandııada ulttyq mereke Patshaıym kúni atap ótiledi. Bul data óz taǵynan bas tartqan Beatrıks patshaıymnyń anasy Iýlıana hanshaıymnyń týǵan kúnimen baılanysty. Beatrıks tájdi alǵan kezde, mereke kúnin aýystyrýdan bas tartty, óıtkeni onyń týǵan kúni qysta – 31 qańtarda ótedi.
2013 jyly Beatrıks patshaıym taqtan bas tartqannan keıin mereke kúnin jáne onyń ataýyn ózgertý týraly sheshim qabyldandy. Sol jyldan bastap gollandtar 27 sáýirde taqqa otyrýy kerek bolǵan Oran hanzadasy Vıllem-Aleksandrdyń týǵan kúnin atap ótedi.
Nıderlandyda monarh kúninde qyzǵylt sary tústi kıim kııý ádetke aınalǵan. Ol bıleýshi Oran dınastııasynyń tegine baılanysty.
Elimizde 2011 jyldan bastap Tuńǵysh Prezıdent kúni arnaıy atap ótiledi. Bul kún Nazarbaevtyń bılikke kelgen ýaqytyna baılanysty. Ol alǵash ret 1991 jyly 10 jeltoqsanda saılandy.
Bul mereke alǵash ret 2012 jyly ótti. Respýblıka turǵyndary úsh kúndik demalys alyp, úlken sporttyq nysandardy aqysyz kórý múmkindigine ıe boldy.
Foto ashyq derekkózden alyndy
«Adyrna» ulttyq portaly
